3CL

3CL (mallongigo de "3ji Code Language", 3字語 [san-ĝi-go]), estas planlingva projekto destinita por internacia helplingvo, elpensita kaj evoluigata de la japana komercisto Phoenix da Vinci. En 2002 li publikigis ĝin en sia retpaĝo.

Vortoj

Ĉiuj vortoj de 3CL konsistas el tri literoj kaj devenas el la angla lingvo. Oni kreas tri-literajn vortojn el anglaj vortoj iamaniere: mallongige, senŝanĝe, kun punkto aŭ krampoj. Substantivoj kaj adjektivoj estas majusklaj, aliaj vortoj estas minusklaj.

Angla vorto	3CL-vorto	Esperanta traduko
station	STA	stacio
car	CAR	aŭto
UN	UN.	Unuiĝintaj Nacioj
I	(I)	mi

Anstataŭ prepozicioj kaj partikuloj, 3CL uzas specialan konekto-kodon "3CL-CON-COD". Ĝi konsistas el matematikaj simboloj kaj signoj, ekzemple =, ;, +, >, <, | kaj &.

Prononco

3CL prononciĝas laŭ "originala prononco" aŭ "literumo".

• FOD (manĝaĵo) prononciĝas kiel "[FU-d]" laŭ originala vorto "food".
• BBS (afiŝejo) prononciĝas kiel "[BI-BI-es] laŭ literumo.

Eksteraj ligiloj

• Bonvenon al 3CL! (en japana lingvo)