Albert S. Gérard
Albert Stanislaus Gérard (naskiĝis la 12-an de julio 1920 en Namuro - mortis en novembro 1996) estis belga akademiano, profesoro pri kompara literaturscienco, specialiĝinta en afrikaj literaturoj[1]. Li instruis komparan literatursciencon ĉe la universitato de Liége de 1963 ĝis 1983 kaj ankaŭ ĉe usonaj universitatoj, interalie en Universitato Harvard (1966-1967) kaj ekde 1956 en la universitato de Elizabethville, nun Lumumbashi en D.R. Kongo [2].
Lia ĉefverko estas "Afrique plurielle" (1995, 1300 paĝoj) aperis en du volumoj en Budapeŝto (Akademiai Kiado) en 1986 sub la titolo "European-language writing in sub-Saharan Africa" (Eŭroplingva verkado en subsahara Afriko en la franca, angla, portugala, samkiel literaturoj en afrikaj lingvoj[2]) kiu estis laŭdita de Ngũgĩ wa Thiong'o kiel "pionira enketo de literaturo en afrikaj lingvoj"[3].
En "African Language Literatures: An Introduction to the Literary History of Sub-Saharan Africa", li donis superrigardon pri la historio de skribitaj afrikaj literaturoj en pli ol sesdek lingvaj areoj. Albert S. Gérard mem scipovis ses lingvojn[2].
Lia abomeno de totalismo, akrigita de naziismo, transformiĝis en aŭtentan intereson pri minoritatoj kaj subpremataj popoloj kaj iliaj literaturoj[2].
Verkaro (elekto) redakti
- Contexts of African literature (Kuntekstoj de afrika literaturo), 1990
- European-language writing in sub-Saharan Africa (Eŭroplingva verkado en subsahara Afriko), 1985
- African language literatures: an introduction to the literary history of Sub-Saharan Africa (Afrikaj lingvaj literaturoj: enkonduko al la literatura historio de Afriko sude de Saharo), Washington, DC: Three Continents, 1981.
- Comparative literature and African literatures: A series of lectures read at the University of South Africa, 1981
- Four African literatures: Xhosa, Sotho, Zulu, Amharic (Kvar afrikaj literaturoj: kosa, sota, zulua, amhara), University of California Press (Berkeley), 1971,
Vidu ankaŭ redakti
Malkoloniigi la menson (libro)
Referencoj redakti
- ↑ (1998) “Albert S. Gérard”, Research in African Literatures 29 (1), p. 199–201.
- ↑ 2,0 2,1 2,2 2,3 (fr) Chantal Zabus, “Albert S. Gérard,” Research in African Literatures 29:1 (Spring 1998), 199-201, Indiana University Press, januaro 1998
- ↑ Ngũgĩ wa, Thiong'o. Decolonising the Mind. James Currey. ISBN 9780852555019.