Armamar

Armamar estas urbo de Portugalio, situanta en la nordo de la Distrikto Viseu, Centra regiono kaj la subregiono Douro. Ĝi havas ĉirkaŭ 1 510 loĝantojn (2021).

Armamar
municipo de Portugalio • urbo de Portugalo
Flago	Blazono
Administrado
Ĝemelurboj Loures vd
Poŝtkodo	5110
En TTT	Oficiala retejo [+]
Demografio
Loĝantaro	6 297  (2011) [+]
Loĝdenso	54 loĝ./km²
Geografio
Geografia situo	41° 7′ N, 7° 41′ U (mapo)41.116666666667-7.6833333333333 [+]
Alto	580 m [+]
Areo	117,24 km² (11 724 ha) [+]
Horzono	UTC±00:00 [+]
Armamar (Portugalio) DEC Situo de Armamar
Alia projekto
Vikimedia Komunejo Armamar [+]

Ĝi estas sidejo de la municipo Armamar, kiu havas totalan areon de 117,24 km², kaj 5 678 loĝantojn (2021), subdividita en 14 fregezioj. La municipa teritorio limas norde kun Peso da Régua, nordoriente de Sabrosa, oriente de Tabuaço, sudoriente de Moimenta da Beira, sudokcidente kun Tarouca kaj okcidente kun Lamego. La teritorio estas sude de la rivero Douro kaj ĝis la montaro Serra de Leomil (sude), dum la sidejo mem estas norde de Moimenta da Beira kaj oriente de Lamego.

Historio

Preĝejo de Armamar.

Prahistorian loĝadon atestas kastrumoj kaj megalitoj troviĝantaj en la municipo. El la romia epoko estas disaj restaĵoj.

Kvankam ĝermanoj ja loĝis en la areo, la islamanoj ne lasis multajn restaĵojn tie. La areo de Armamar estis konkerita el islamanoj inter 1058 kaj 1064, kiuj estis respektive, la jaroj de la konkeroj de Viseu kaj de Koimbro. Post la fondo de la Reĝlando Portugalio (en 1143), ekis administracia organizado, per kreado de municipoj.

Elstaras la romanikaj preĝejoj kaj arkitekturo de la 17-a kaj 18-a jarcentoj, videbla ĉefe en la senjordomegoj.

Folgosa havis foruon havigita de D. Sanĉo la 1-a en 1188.

En la unua duono de la 20-a jarcento la loĝantaro estis stabila kaj atingis pli ol 11 000 loĝantojn en 1950, sed poste malpliiĝis iomete pro elmigrado ĝis nunaj 7 000 loĝantoj. Aktuale la ekonomio baziĝas sur agrikulturo (fruktoj kaj vino), tiukadra industrio kaj transformado de produktoj el brutobredado.

Submunicipoj

Armamar havas la jenajn fregeziojn:

Fregezioj de la municipo Armamar.

• Aldeias
• União de Freguesias de Arícera e Goujoim
• Armamar
• Cimbres
• Folgosa
• Fontelo
• Queimada
• Queimadela
• Santa Cruz, antaŭe Santa Cruz de Lumiares
• São Cosmado
• São Martinho das Chãs
• União de Freguesias de Santiago e São Romão
• Vacalar e São Joaninho
• União de Freguesias de Vila Seca e Santo Adrião

Vidindaĵoj

En pluraj loĝlokoj estas interesaj preĝejoj kaj kapeloj, kun gravaj pentraĵoj kaj valoraj liturgiaj juveloj; krome estas ankaŭ nobelaj domegoj ĉefe el la 18a jarcento.

• Preĝejo de Sankta Mikaelo de Armamar
• Blazondomoj de São João de Travanca kaj Aldeias
• Pilorioj de Aricera, Goujoim
• Ponto de Santo Adrião super la rivero Tedo
• Kapelo de Nossa Senhora das Neves de Vila Seca

Bildoj

• 
  Romanika preĝejo de São Pedro de Tarouca.
• 
  Preĝejo de São Martinho de Mouros.
• 
  Monaĥejo de São João de Tarouca.
• 
  Folgosa.
• 
  Busto de matematikisto Gomes Teixeira, en São Cosmado.
• 
  Vacalar.
• 
  Santo Adrião.

Eksteraj ligiloj

• Municipo Armamar
• Pelos Caminhos do Douro
• Douro Valo - Armamar
• Associação de Fruticultores de Armamar

• En tiu ĉi artikolo estas uzita traduko de teksto el la artikolo Armamar en la portugala Vikipedio.