August Leberecht Wunderwald
August Leberecht WUNDERWALD (naskiĝinta en 1843, mortinta en 1913), estis germana minejinĝeniero, minadkonsilisto kaj kuracbandirektoro en Bad Sulza, Germanujo.
Vivo redakti
Wunderwald priskribis la ŝtonkarb-ekspluatadon en Saksio laŭ oficiala komisio. Tiu ĉi laboraĵo ĝis nun ne presitis. Li estis estinta studento ĉe la Minakademio de Freiberg.[1] Krome li menciitis kiel lerninto en festolibro de la menciita altlernejo.[2]
En Sulza li meritis kiel kuracban-direktoro kaj estro de la surloka salejo. Tion li laŭŝajne tiom bone faris ke la urbetanoj nomumis lin en 1898 honora civitano. Li mem estis ekde 1890 estro de la societo Sulzaer Badeverein fondita en 1864. Antaŭe li samklube agis kiel sekretario.[3] La inhalejo de Bad Sulza malfermitis de li en la 15.6.1903.[4] Lia loĝejo troviĝis proksime de salkolekta muro kion atestis malnovaj bildkartoj.[5][6]
En la linda kuracbanparko, proksime de la trinkhalo, troviĝas memorigŝtono por Wunderwald.
Verkoj redakti
- Heilung des Uterusprolapses mittelst Laparotomie (Dissertation). Jena, 1887.
- Soolbad Sulza. Rückblick am Tage der Feier des 50jährigen Bestehens 1847 bis 1897. Karrer, 1897.
- Einladung [...] nebst Festprogramm [zu: Soolbad Sulza: Rückblick am Tage der Feier des 50jährigen Bestehens 1847 bis 1897]. Karrer, 1897.
Referencoj redakti
- ↑ Leberecht August Wunderwald: Beschreibung der sächsischen Steinkohlenwerke, Freiberg 1857.
- ↑ Festschrift der K.-S. Bergakademie Freiberg zum hunderjährigen Jubiläum am 30. Juli 1866, p. 280. Tie ĉi li titoliĝas saleja oficisto en Neu-Sulza.
- ↑ Gerhard Weise: Mineralische Rohstoffe und ihre Nutzung im Weimarer Land, p. 43.
- ↑ https://www.bad-sulza.de/de/node/107
- ↑ https://oldthing.de/Bad-Sulza-Bergrat-Wunderwalds-Wohnsitz-0014253621
- ↑ https://oldthing.de/Ak-Bad-Sulza-im-Weimarer-Land-Thueringen-Kurhaus-Bergrat-Wunderwalds-Wohnsitz-0034810532