Brachychiton acerifolium

Brachychiton acerifolius, nomita fajrarbo aŭ illawarra, estas specio de arbo indiĝena de subtropikaj regionoj de la orienta marbordo de Aŭstralio. Ĝi famas pro siaj brilruĝaj floroj sonorilformaj, kiuj ofte kovras la tutan kanopeon kiam la arbo ankoraŭ ne havas foliojn.

Brachychiton acerifolius.

Ĝi estas arbo 8-15 m alta plej ofte, sed la specio povas atingi maksimuman altecon de 40 m nur en sia natura habitato. Ĝi kreskiĝas rapide, estas tre longviva, kaj toleras moderajn klimatojn kie oni kultivas ĝin pro sia beleco. Ĝi estas falfolia planto, perdas la foliojn post la seka sezono. La spektakla florado okazas fine de printempo kaj la nova foliaro pretas por la somera pluvsezono. La floroj estas skarlataj sonoriletoj kun kvin petaloj parte fuziitaj. La ingoformaj fruktoj (teknike konataj kiel folikloj) estas larĝaj, malhelbrunaj, ujoformaj, 10 cm longaj kaj kun 1 cm de diametro. Ĝi enhavas amason de haretoj kiuj algluiĝas al la haŭto. La semoj estas flavaj, kaj manĝeblaj; aborigenoj manĝas ilin rostitaj.

Bibliografio

• Holliday, I. A field guide to Australian trees (3ª edición), Reed New Holland, 2002
• The University of Sydney: Our Indigenous garden
• USDA, ARS, National Genetic Resources Program.
• Germplasm Resources Information Network - (GRIN) National Germplasm Resources Laboratory, Beltsville, Maryland. (22 nov. 2007)
• Brako, L. & J. L. Zarucchi 1993. Catalogue of the Flowering Plants and Gymnosperms of Peru. Monogr. Syst. Bot. Missouri Bot. Gard. 45: i–xl, 1–1286.

Eksteraj ligiloj

• [1]

• En tiu ĉi artikolo estas uzita traduko de teksto el la artikolo Brachychiton acerifolius en la hispana Vikipedio.