Carla Bruni

Carla BRUNI, realnome Carla Bruni-Tedeschi (naskiĝis la  23-an de decembro 1967(nun 1967-12-23) en Torino en Italio) estis komence manekeno, poste kantistino. Ŝi estas ekde la 2-a de februaro 2008 edzino de la franca prezidento Sarkozy.

Carla Bruni
Naskonomo	Carla Gilberta Bruni Tedeschi
Naskiĝo	23-an de decembro 1967 (1967-12-23) (56-jaraĝa) en Torino,  Italio
Edz(in)o	Nicolas Sarkozy • Raphaël Enthoven
Ĝenroj	Folka muziko, Pop-roka muziko
Aktivaj jaroj	2002 – nuntempo
Eldoninto	Downtown Records Naïve Records
Retejo	www.carlabruni.com
Carla Bruni
Carla Bruni
Persona informo
Carla Bruni
Naskonomo	Carla Gilberta Bruni Tedeschi
Naskiĝo	23-an de decembro 1967 en Torino,  Italio
Religio	katolikismo vd
Lingvoj	franca • angla • itala vd
Ŝtataneco	Italio • Francio vd
Alma mater	Lycée Janson-de-Sailly • Universitato de Parizo 1 Panteono-Sorbono • Lernejo Jeannine Manuel vd
Familio
Patro	Alberto Bruni Tedeschi • Maurizio Remmert vd
Patrino	Marisa Borini vd
Gefratoj	Valeria Bruni Tedeschi vd
Edz(in)o	Nicolas Sarkozy
Amkunulo	Raphaël Enthoven • Vincent Perez • Mick Jagger • Arno Klarsfeld vd
Infanoj	Giulia Sarkozy • Aurélien Enthoven vd
Parencoj	Guillaume Sarkozy • François Sarkozy • Pierre Sarkozy • Jean Sarkozy • Louis Sarkozy • Paul Sarkozy • Andrée Mallah vd
Profesio
Okupo	kantisto • modelo • aktoro • diskografa artisto vd
Laborkampo	komponado vd
Aktiva en	Parizo vd
Aktiva dum	2002– vd
Postenoj Postenoj edzo aŭ edzino de prezidento de Francio vd
Honorigoj Honorigoj Prix Raoul-Breton • Victoires de la Musique – Female artist of the year • Oficiro de la Artoj kaj de la Leteroj • Grandkruco de la Nacia Ordeno de Benino • kolumo de la Ordeno de Karolo la 3-a • Kavaliro de la Artoj kaj la Leteroj vd
En TTT	www.carlabruni.com
Unua damo de Francio
Dum	2-a de februaro 2008 –
Antaŭulo	Cécilia Sarkozy
vd	Fonto: Vikidatumoj

Biografio

Carla Bruni naskiĝis la 23-an de decembro 1967 en Torino (Italio). Ŝi estas la filino de Oper-komponisto kaj riĉa industriisto Alberto Bruni Tedeschi kaj de aktorino, pianistino, koncertistino Marysa Borini. Ŝia fratino estas aktorino, scenaristino kaj reĝisorino Valeria Bruni-Tedeschi. Ŝia plej aĝa frato, Virginio, mortis la 4-an de julio 2006.

En januaro 2006 ĵurnalistoj de la brazila gazeto O Estado hazarde malkovris, ke la vera patro de Carla Bruni fakte estas iu itala entreprenisto Maurizio Remmert, kiu nun delonge vivas en San-Paŭlo, kiu travivis amaventuron kun ŝia patrino Marisa Tedeschi, kiam li estis 19- kaj ŝi estis 32-jaraĝa.

En 1973, ŝi estis 5-jara, ŝia familio transloĝiĝis al Francio, timante ostaĝo-prenojn fare de italaj Ruĝaj Brigadoj. Junaĝe ŝi lernis ludi pianon kaj gitaron. Ŝi frue trempiĝis en muzika etoso kaj heredis el sia familio emon al tiu arto. Pasiigita de literaturo kaj verkado, ŝi komponas siajn kanzonojn, skribaĉante tekstojn inter du aktivecoj. En 2001, ŝi naskis filon Aurélien al Raphaël Enthoven.

Carla Bruni-Tedeschi edziniĝis kun Nicolas Sarkozy la 2-an de februaro 2008 en Parizo. La privata ceremonio okazis en la Palaco Elizeo, rezidejo de la franca prezidento. Sekve, ŝia nomo ŝanĝiĝis al Carla Bruni-Sarkozy. La 19-an de oktobro 2011, ŝi naskis filinon Giulia.

Manekeno – 1985–1997

Kiam ŝi estis 19-jara, ŝi ĉesigis siajn studojn pri arĥitekturo por fariĝi plentempa manekeno. Ŝi atingis rangon de pinta modelo en 1988 fariĝante internacia stelulino de mod-magazinoj en la 1990-aj jaroj kaj marŝante sur la podioj de la plej grandaj tajloroj. En 1997, tiam 29-jara, ŝi ĉesigis sian karieron de manekeno, kiu daŭris 10 jarojn. Ŝi decidis dediĉiĝi al muziko.

Kantistino – 2000–...

En 1999 ŝi renkontis Julien Clerc dum vespermanĝo kaj konfidis al li, ke ŝi verkas kanzonojn. Kelkajn semajnojn poste ŝi sendis al li tekston titolitan Si j’étais elle. Julien Clerc komponis la muzikon de tiu kanzono kaj aperigis albumon Si j'étais elle, por kiu Carla Bruni verkis 5 aliajn titolojn. En 2000 la albumo vendiĝis en pli ol 250.000 ekzempleroj.

Dum ŝi vivis kun beletra eldonisto Jean-Paul Enthoven, ŝi kokris lin kun lia filo Raphaël Enthoven, edzo de Justine Lévy, de kiu li eksedziĝos. En 2004 Justine Lévy publikigos sukcesan libron pri tiu afero.

En 2002, helpate de Louis Bertignac, ŝi verkis kaj komponis albumon Quelqu'un m'a dit. Ŝi interpretis tiun albumon unuope akompanante sin per gitaro. Ŝia albumo estis favore akceptita de recenzo kaj vendiĝis en pli ol 2 milionoj da ekzempleroj.

En 2004 ŝi estis unu el la herooj de la unua furor-libro de Justine Lévy Rien de grave (nenio grava). La aŭtoro, filino de Bernard-Henri Lévy (kies historia eldonisto kaj plej bona amiko estas la patro de Raphaël Enthoven), montris en ĝi sian grandan trairon tra vakuo kaj sian periodon de rekonstruo sekvante sian eksedziĝon de Raphaël Enthoven, elirinta kun Carla Bruni.

La 15-an de januaro 2007 ŝi aperigis sian duan albumon No Promises, kie ŝi akompanis sian muzikon de tekstoj de anglalingvaj poetoj kiel William Butler Yeats, Wystan Hugh Auden, Emily Dickinson, Christina Rossetti, Walter de la Mare kaj ankaŭ Dorothy Parker.

Albumoj

Albumo Si j'étais elle (se mi estus ŝi), de Julien Clerc (2000)

Tekstoj de Carla Bruni, muziko de Julien Clerc

1. Si j’étais elle
2. Aussi vivant
3. On serait seuls au monde
4. Se contenter d'ici-bas
5. Silence caresse

Albumo Quelqu'un m'a dit (Iu diris al mi), unuope (2002)

Albumo
Quelqu'un m'a dit aperis: marto 2004 (FR.) Quelqu'un m'a dit Raphaël Tout le monde La noyée Le toi du moi Le ciel dans une chambre J'en connais Le plus beau du quartier Chanson triste L'excessive L'amour La dernière minute Registrita kaj produktita de Louis Bertignac (P) Naïve NV 43411

Albumo Sol en cirque (2003)

Kompilaĵo por "Sol En Si" (Solidarité Enfants Sida) kun Axel Bauer, Francis Cabrel, Calogero, Louis Chedid, Maurane, Antoine...

1. Même si je suis top

Carla Bruni duope kun Louis Bertignac (2005)

El la albumo de Louis Bertignac Longtemps

1. Les frôleuses
2. Sans toi

Albumo No Promises, unuope (2007)

Albumo
No Promises Aperis: januaro 2007 (FR.) Those dancing days are gone Before the world was made Lady weeping at the crossroads I felt my life with both my hands Promises like piecrust Autumn If you were coming in the fall I went to heaven Afternoon Ballade at thirty-five At last the secret is out

Albumo Comme si de rien n'était (Kvazaŭ nenio okazis) (2008)

Albumo
Comme si de rien n'était aperis: julio 2008 (FR.) Ma jeunesse La possibilité d'une île L'amoureuse Tu es ma came Salut marin Ta tienne Péché d'envie You belong to me Le temps perdu Déranger les pierres Je suis une enfant L'antilope Notre grand amour est mort Il vecchio e il bambino (P) Naïve NV 814311

Eksteraj ligiloj

• http://www.carlabrunisarkozy.org/en/
• Oficiala retejo de Carla Bruni
• Biografio de Carla Bruni Arkivigite je 2011-02-19 per la retarkivo Wayback Machine, (Radio France internationale|RFI Musique).
• Carla Bruni en IMDB