Chotovice (distrikto Svitavy)
|
Por aliaj signifoj, bv. rigardi la apartigilan paĝon: Chotovice |
Municipo Chotovice situas en Ĉeĥio, regiono Pardubice, distrikto Svitavy, 14 km okcidente de urbo Litomyšl kaj 14 km de Vysoké Mýto. Vivas ĉi tie 155 loĝantoj (2023). Bienoj kaj kabanoj situas ĉirkaŭ la vasta vilaĝplaco.
| Chotovice | |||
| municipo | |||
 | |||
|
|||
| Oficiala nomo: Chotovice | |||
| Ŝtato |  Ĉeĥio
| ||
|---|---|---|---|
| Regiono | Regiono Pardubice | ||
| Distrikto | Distrikto Svitavy | ||
| Administra municipo | Litomyšl | ||
| Historia regiono | Bohemio | ||
| Montaro | Svitava montetaro | ||
| Situo | Chotovice | ||
| - alteco | 449 m s. m. | ||
| - koordinatoj | 49° 51′ 00″ N 16° 10′ 17″ O / 49.85000 °N, 16.17139 °O (mapo) | ||
| Katastro | 3,19 km² (319 ha) Chotovice | ||
| Loĝantaro | 155 (2023) | ||
| Denseco | 48,59 loĝ./km² | ||
| Unua skribmencio | 1350 | ||
| Horzono | MET (UTC+1) | ||
| - somera tempo | MET (UTC+2) | ||
| Poŝtkodo | 570 01 | ||
| NUTS 3 | CZ053 | ||
| NUTS 4 | CZ0533 | ||
| NUTS 5 | CZ0533 578118 | ||
| Katastraj teritorioj | 1 | ||
| Partoj de municipo | 1 | ||
| Bazaj setlejunuoj | 1 | ||
  Situo enkadre de Ĉeĥio
| |||
 Vikimedia Komunejo: Chotovice (Svitavy District)
| |||
| Retpaĝo: www.chotovice.infobec.cz | |||
 Portalo pri Ĉeĥio
| |||
La najbaraj municipoj de la setlejo estas Nová Ves u Jarošova, Chotěnov, Makov, Příluka kaj Nové Hrady.
Historio redakti
La vilaĝo estas unu el la plej malnovaj en la ĉirkaŭa regiono. En historia dokumento ĝi estas nomata jam en la jaro 1142 kiel vilaĝo apartenanta al la monaĥejo en Sedlec. En fonda akto de la klostro estas nomata vilaĝo Hotovice, pli poste en listo de preĝejoj de nova episkopejo Litomyšl estas nomasta Kochovitz, sed en ambaŭ dokumentoj temas pri ĉi tiu Chotovice. En la 17-a jarcento la vilaĝo apartenis al najbara sinjorejo Nové Hrady. Ĝis la jaro 1850 la vilaĝo estis sidejo de vilaĝestro, kiu prizorgadis ankoraŭ du vilaĝojn - Příluka kaj Suchá Lhota. Nur en la jaro 1901 la vilaĝoj sendependiĝis.
Lernejo en Chotovice estis konstruita en la jaro 1905. Bedaŭrinde nombro da infanoj malkreskis, ĝis en la jaro 1963 la lernejo estis pro manko de lernantoj fermita.
Loĝantaro redakti
| Jaro | Loĝantoj |
|---|---|
| 1869 | 329 |
| 1880 | 316 |
| 1890 | 321 |
| 1900 | 325 |
| 1910 | 330 |
| 1921 | 321 |
| Jaro | Loĝantoj |
|---|---|
| 1930 | 326 |
| 1950 | 224 |
| 1961 | 177 |
| 1970 | 168 |
| 1980 | 146 |
| 1991 | 117 |
| Jaro | Loĝantoj |
|---|---|
| 2001 | 126 |
| 2014 | 129 |
| 2016 | 125 |
| 2017 | 127 |
| 2018 | 128 |
| 2019 | 129 |
| Jaro | Loĝantoj |
|---|---|
| 2020 | 139 |
| 2021 | 129 |
| 2022 | 145 |
| 2023 | 155 |
Memorindaĵoj redakti
Preĝejo redakti
Konstruon de malgranda gotika preĝejo de Sankta Prokopio en Chotovice iniciatis verŝajne posedanto de la vilaĝo, monaĥejo en Sedlec, eble baldaŭ post sanktigo de Sankta Prokopio en la jaro 1204. Rekonstruita ĝi estis en la dua duono de 16-a jarcento, kiel atestas surskribo post la altaro datita 1589.
La preĝejo estas ununava kun kvinlatere fermita presbiterejo kun apogpilieroj, kun sakristio sur norda flanko kaj kun turo en okcidenta fronto. La presbiterejo estas volbita per unu kampo de kruca volbo, en norda vando de presbiterejo estas sankta ŝranko kun trifolia giraĵo en triangula pinjono. Triumfa arko estas pintforma kun oblikva embrazuro. La navo estas platplafona, la dua etaĝo de la turo estas en la navon malfermita per duoncirkla arko kaj kreas ĥorejon. La ekipaĵo estas pseŭdogotika el la 19-a jarcento.
En la jaro 1942 estis konfiskitaj kaj fanditaj por militaj celoj du sonoriloj. La granda pezis 219 kg kaj la malpli granda, funebra sonorilo, 36 kg.
De la preĝejo estas bela panoramo al valo de Litomyšl kaj al Orlické hory. Dum favora vetero estas videbla eĉ Sněžka.
Ŝtona kruco redakti
Plua dominanto de Chotovice estas ŝtona kruco sur vilaĝplaco sur loko nomata "Hlavatky".
Monumento al la falintoj redakti
En la jaro 1920 estis solene malkovrita monumento al 13 loĝantoj de Chotovice, falintoj en la unua mondmilito sur batalkampoj en Rusio kaj Italio.
Literaturo redakti
- Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.
Eksteraj ligiloj redakti
- Oficiala paĝaro de mikroregiono Litomyšlsko ĉeĥe Arkivigite je 2010-11-16 per la retarkivo Wayback Machine
- Monumento al viktimoj de la unua mondmilito ĉeĥe