Corcovado (kanto)

Corcovado estas bosanovo-kanto de la brazilano Antônio Carlos Jobim el la jaro 1960, kiu referencas al la samnoma monto en Rio-de-Ĵanejro. Ĝin kantis interalie Elis Regina kaj Sérgio Mendes. La anglalingva traduktajo (Quiet Nights of Quiet Stars) devenas de Gene Lees.

La peco fariĝis ĵaza normkanto. Jam en 1962 Miles Davis surdiskigis sur sian albumon Quiet Nights version de la peco kun la orkestro de Gil Evans Orchestra. La plej fama versio devenas de Stan Getz , kiu ĝin surdiskigis kun Astrud kaj João Gilberto en 1964 sur la albumon Getz/Gilberto. Astrud Gilberto kantas same kiel The Girl from Ipanema la unuajn frazojn en la angla. Ŝia edzo daŭrigas la tekston en la portugala, kaj Getz ludas soloon.

Sonregistraĵoj

la monto Korkovado esperantlingve prikantita en 1989

Corcovado estis surdiskigita de diversaj artistoj, inter ili:

• Cannonball Adderley (kun Sérgio Mendes)
• Charlie Byrd
• Miles Davis
• Doris Day
• Everything But The Girl
• Ella Fitzgerald
• Stan Getz (kun João kaj Astrud Gilberto)
• Astrud Gilberto
• The Idea of North
• Mina
• Frank Sinatra (kun Antonio Carlos Jobim, 1967)
• Andy Williams
• Ray Knox
• Aaron Koenig kaj Flávio Fonseca ekde 1989 popularigis la kanton ankaŭ en Esperanto, en la albumo "Aaron brazilumas esperante"
• kaj en 2002 Flávio Fonseca kaj Alejandro Cossavella reregistris ĝin esperantlingve en la albumo "Brazila Kolekto: Tom Jobim en Esperanto"

Eksteraj ligiloj

• la esperanta versio de 2002 en Jutubo (esperante)
• Anglalingva kantoteksto
• Gitarakordoj kaj teksto (anglalingva) de corcovado kun gitarprenaj grafikaĵoj

• 
  Korkovado el Urca
• 
  Kristo la Savinto pinte de Korkovado
• 
  Golfeto Botafogo el Korkovado