Dule
Dule, urdue kaj marate धुळे estas urbego, ankaŭ municipo en federacia ŝtato Barato, en subŝtato Maharaŝtro, en distrikto de la samnoma distrikto, kie ĝi estas la sidejo.
| Dule | |||
|---|---|---|---|
  | |||
| urbo | |||
| Administrado | |||
| Poŝtkodo | 424001 | ||
| Demografio | |||
| Geografio | |||
| Geografia situo | 20° 54′ N, 74° 47′ O (mapo)20.974.783333333333Koordinatoj: 20° 54′ N, 74° 47′ O (mapo) [+] | ||
| Alto | 240 m [+] | ||
| Areo | 137 km² (13 700 ha) [+] | ||
| |||
| |||
|
| |||
| Alia projekto | |||
 Vikimedia Komunejo Dhule [+]
| |||
Geografio redakti
Dule estas tia urbego, kiun rivero plene distranĉas. Ĝi estas en alteco de 250 m. Malegaon troviĝas 47, Ĉalisgaon 54, Nandurbar 76, Ĝalgaon 84, subŝtata ĉefurbo Mumbajo 297, tutlanda ĉefurbo Delhio 894, Kolkato 1416 kilometrojn (aere) [1].
Demografio redakti
Laŭ la censo en 2011 Dule havis populacion de 375 603. La meza legoscio estas 85%, pli alta ol la landaveraĝo de 74%.
Historio redakti
Ĝis la komenco de la 19-a jarcento Dule estis sensignifa vilaĝo apartenanta al sultanlando, poste Mogola Imperio, ekde 1818 al la Brita Imperio. En 1803 la vilaĝo pro malsatkatastrofo kaj detruadoj plene senhomiĝis, tamen en la sekva jaro ĝi rehomiĝis. En 1818 la vilaĝo estis levita distrikta sidejo laŭ la angla ortografio Dhulia. En 1819 vivis en la sidejo 2509 personoj en 401 domoj. La progreso daŭris stabile. Fine de la 19-a jarcento la urbeto jam estis grava komerca centro pri kotonoj kaj linoj. Kruda kotono, lanaj tukoj kaj turbanoj estis produktitaj. En 1825 la hospitalo ekfunkciis. Depost la sendependiĝo (1947) la evoluo daŭris.
Ekonomio redakti
Ekonomio de Dule supozeble estos naboj de tekstilo, manĝebla oleo kaj informa teknologio, ĉar la urbego situas en krucvojoj de tri naciaj aŭtovojoj. Dule ankaŭ estas parto de Delhio-Mumbajo industria koridoro kaj estas konata pro produktado de la plej pura lakto. En la najbaraj vilaĝoj oni kultivas arakidojn, fine menciindas la energiproduktado per vento kaj suno.
Religioj redakti
Proksimume 64,5% de la loĝantoj estas hinduoj, proksimume 31,5% estas islamanoj kaj proksimume 1,5% estas ĝajnistoj. Kristanoj, budhanoj kaj sikoj formas malgrandajn minoritatojn.
Edukado redakti
En Dule kelkaj kolegioj funkcias.
Klimato redakti
En Dule pluvas jare po 596 mm. En ĉiuj monatoj pluvas, tamen inter junio-septembro ofte pluvas, inter novembro-majo apenaŭ pluvas (escepte januaron). La temperaturo varias inter 19-32 °C.
Trafiko redakti
Al Dule venas sola fervoja linio el Ĉalisgaon kun mizera trafiko. Male la vojaj kontaktoj estas tre bonaj. La mapo prezentas 8 vojajn pontojn tra la rivero. Enurbe eĉ aŭtobusoj liveras la pasaĝerojn. La mapo montras ankaŭ flughavenon.
Vidindaĵoj redakti
- pluraj preĝejoj, tamen plej ofte hinduaj temploj
- turo
