Ederswiler
Ederswiler estas komunumo en la distrikto Delemonto en Kantono Ĵuraso, Svislando. Ĝi havis 122 loĝantojn je la 31-a de decembro 2009.
| Ederswiler | |
|---|---|
 | |
| Blazono de Ederswiler | |
 | |
| Sankt-Ana-Kapelo en Ederswiler | |
| komunumo en Svislando | |
| Kantono | Ĵuraso |
| Distrikto | Delemonto |
| Koordinatoj | 47° 25′ 35″ N 7° 20′ 10″ O / 47.42639 °N, 7.33611 °O (mapo)Koordinatoj: 47° 25′ 35″ N 7° 20′ 10″ O / 47.42639 °N, 7.33611 °O (mapo) |
| Nombro de loĝantoj | 122 |
| Areo | 3,32 km² |
| Alteco | 533 m super marnivelo |
| Poŝtkodo | 2813 |
| Komunumkodo | 6713 |
 | |
| Mapo de Ederswiler | |
Geografio redakti
Ederswiler, kiu kun 122 loĝantoj estas laŭ loĝantaro la 2-a plej malgranda komunumo de la distrikto, siutas en valkaldrono de la rivereto Bösenbach proksimume 7 kilometrojn oriente de la kantonĉefurbo Delemonto. La teritorio de la komunumo etendiĝas sur areo de 3,32 km², de kium 42% estas kovritaj de arbaro, 545 servas por agrikulturo kaj 4% por setlado.
Najbaraj komunumoj redakti
La komunumo Ederswiler limas en nordoriento al Roggenburg (BL), en sudo al Movelier, kaj en nordokcidento al Pleigne.
Lingvoj redakti
Ederswiler estas la ununura germanlingva komunumo de la cetere franclingva Kantono Ĵuraso. Laŭ la popolnombrado de la jaro 2000 parolis 84,5% de la loĝantaro la germanan, 10,1% la francan, kaj 2,3% la hispanan lingvon.
Trafiko redakti
Ederswiler situas flanke de la gravaj trafikvojoj. Al la publika transportreto la komunumo estas konektita per la poŝtaŭtolinio de Delemonto tra Roggenburg al Laufen.
Historio redakti
La unua dokumenta mencio de Ederswiler datiĝas el la jaro 1323 kiel Ernswilre.
La vilaĝo Ederswiler estis parto de la paroĥo Roggenburg, kiu en la jaro 1389 estis pandigita de la episkopo de Bazelo al la Grafoj de Thierstein. En la jaro 1454 la Princepiskopejo Bazelo repagis la hipotekon kaj tial la vilaĝo refariĝis posedaĵo de la princepiskopejo. Ĝis la Franca Revolucio de 1792 Ederswiler estis majorejo de de la Senjorejo Delemonto. Tiam la vilaĝo dum unu jaro la vilaĝo apartenis al la Raŭraka Respubliko por poste aparteni de 1793 ĝis 1815 al Francio, unue kiel parto de la departemento Mont-Terrible kaj poste de la departemento Haut-Rhin. En la jaro 1815 la Viena Kongreso atribuis la regionon al la svisa Kantono Berno. Ek de la 1-a de januaro 1979 Ederswiler apartenas al la nove fondita Kantono Ĵuraso, malgraŭ la fakto, ke la vilaĝanoj la 23-an de junio 1974 voĉdonis kontraŭ la nova kantono. Ederswiler malgraŭ la negativa estis integrita al la Kantono Ĵuraso, ĉar ĝi tiu-tempe estintus berna eksklavo en la nova kantono. [1]
Notoj kaj referencoj redakti
Eksteraj ligiloj redakti
- Vidu ankaŭ en la Vikimedia Komunejo la kategorion Ederswiler – (Kolekto de bildoj kaj plurmediaj dosieroj)
- Informoj pri Ederswiler sur la retejo juranet.ch Arkivigite je 2011-11-01 per la retarkivo Wayback Machine