Elemér Scipiades

Elemér Scipiades, laŭ hungarlingve kutima nomordo Scipiades Elemér estis hungara kuracisto, profesoro, ginekologo (akuŝisto).

Elemér Scipiades [1] naskiĝis la 21-an de aŭgusto 1875 en Jászárokszállás. Li mortis la 21-an de februaro 1944 en Pécs.

Biografio

Elemér Scipiades akiris medicinan diplomon en Reĝa Universitato de Budapeŝto en 1897. Post siaj studoj li studvojaĝis al eksterlando, hejmenveninta li eklaboris en la universitata instituto, ekde 1899 en la kliniko. En 1910 li estis nomumita privata profesoro en la menciita universitato, tiutempe li vizitis klinikojn en Germanio, Italio, Francio, Britio, Usono. Inter 1914 kaj 1917 li estis armea kuracisto, poste li kuracadis 2 jarojn en Malsanulejo Rókus, fine 2 jarojn en alia simila hospitalo. En 1920 li estis nomumita vickatedrestro en Reĝa Universitato Erzsébet en Budapeŝto, post 2 jaroj katedrestro kaj klinikestro, sed jam en Pécs. En la studjaro 1931 li estis dekano, en la studjaro 1937 rektoro.

Elektitaj kontribuoj

• Über die Behandlung des Geburten bei engen Becken (Berlino, 1909)
• Myom und Schwangerschaft (1912)
• Physiologia (1922)
• A szülészet kézikönyve (1942)

Memorigiloj

• busto en kliniko de Pécs (1944) [2]

Fontoj

• hungarlingva biografio (la koncerna teksto estas legebla pli malsupre)
• hungarlingva biografio kun foto Arkivigite je 2015-04-25 per la retarkivo Wayback Machine
• hungarlingva biografio kun foto Arkivigite je 2016-06-10 per la retarkivo Wayback Machine
• [3] Arkivigite je 2016-06-16 per la retarkivo Wayback Machine hungare