Esperanta Vikimanio

Esperanta Vikimanio estis internacia renkontiĝo de uzantoj de la Vikipedio en Esperanto, esperantlingva versio de la interreta enciklopedio Vikipedio. Ĝi okazis de merkredo la 26-a ĝis dimanĉo la 30-a de oktobro 2011 en Svitavy (Ĉeĥio), omaĝe al la dekjariĝo de la Vikipedio en Esperanto (fondita en novembro 2001). Partoprenis proksimume 80 personoj^[1] el 9 landoj.^[2] Similan renkontiĝon de uzantoj de ĉiuj lingvaj versioj de la Vikipedio organizas jam ekde 2005 ĉiujare la Fondaĵo Vikimedio sub nomo Wikimania.

Ĉi tiu artikolo temas pri la esperantista renkontiĝo. Por la renkontiĝo de ĉiulingvaj vikipediistoj vidu Vikimanio.

Organizintoj redakti

La renkontiĝon organizis Ĉeĥa Esperanto-Asocio (iniciatinto de la ideo Pavla Dvořáková kun edzo Vladimír Dvořák) kunlabore kun aktivuloj de la organizo E@I (ĉefe Marek Blahuš kaj Yves Nevelsteen). Lokaj kunorganizantoj estis Klubo de geamikoj de Esperanto Svitavy, precipe ties prezidantino kaj ĈEA-vicprezidantino Libuše Dvořáková, kaj Gimnazio Svitavy. La aranĝo okazis kun financa subteno de la urbo Svitavy kaj de Regiono Pardubice.

Loko redakti

Chuck Smith antaŭ la salono Chuck

La aranĝon gastigis en ejoj de la Gimnazio Svitavy (Gymnázium Svitavy), studenta domo de la komerca akademio kaj ekonomika altlernejo (Domov mládeže Obchodní akademie a Vyšší odborné školy ekonomické), kaj la Esperanto-Muzeo en Svitavy (situanta en la Domo de Ottendorfer sur la ĉefa urba placo). La partoprenantoj loĝis en la studenta domo kaj por precipe vesperaj aktivaĵoj uzis unu el ties salonoj, honore nomitan "salono Chuck" laŭ la fondinto de la Vikipedio en Esperanto (kaj parodie al la tradicia ĉefsalono Zamenhof dum la Universala Kongreso de Esperanto).

Programo redakti

Pavla Dvořáková prelegas

Komence de la renkontiĝo, ĵaŭde la 27-an de oktobro la partoprenantoj estis solene akceptitaj ĉe la urbestro de Svitavy, sinjoro David Šimek. Sekvis tuttaga vikipedia trejnado ĉe komputiloj por kaj progresintoj kaj komencantoj (inkluzive lokan neesperantan publikon), okazis prelegoj (ne nur pri Vikipedio mem) kaj kunvenis specialaj laborgrupoj.

Solena prelega kaj muzika programo ("matineo") omaĝe al dekjariĝo de la Vikipedio en Esperanto okazis vendrede la 28-an de oktobro en kultura salonego de la Domo de Ottendorfer kaj sekva tosto en Esperanto-muzeo troviĝanta en teretaĝo de la domo. Pro la fakto ke tiu tago samtempe estas la nacia festo de Ĉeĥio (fondiĝo de la respubliko Ĉeĥoslovakio en 1918) en kiu oni ne laboras, ankaŭ multaj ĉeĥaj esperantistoj povis alveni kaj partopreni la programon tiutage.

Sabata posttagmeza ekskurso la 29-an de oktobro gvidis al la urbo Litomyšl kaj ties kastelo, inkluzive de omaĝo super la tombo de Karel Píč.

Partoprenintoj redakti

Formale al la aranĝo aliĝis kaj almenaŭ du tagojn ĝin partoprenis 33 esperantistoj;^[3] aldone al ili proksimume 15 personoj partoprenis la ĵaŭdan trejnadon kaj proksimume 35 pliaj ĉeĥaj esperantistoj alvenis por partopreni la vendredan solenan programon. Sume do la Esperantan Vikimanion vizitis proksimume 80 personoj.^[1] La partoprenintoj venis el Ĉeĥio, Slovakio, Pollando, Germanio, Hungario, Nederlando, Belgio, Francio kaj Usono.^[2]

Prelegoj redakti

La Esperantan Vikimanion ĉeestis kaj prelegis dum ĝi interalie:

Chuck Smith / Fondinto de la Vikipedio en Esperanto
Miroslav Malovec Fondinto de la Ĉeĥa Vikipedio, estrarano de ĈEA kaj aktiva kontribuanto de la Vikipedio en Esperanto
Pavla Dvořáková Estrarano de ĈEA kaj organizanto de vikipediaj trejnadoj
Marek Blahuš / Estrarano de E@I kaj partopreninto de Vikimanio 2011 en Haifa
Yves Nevelsteen Estrarano de E@I kaj aŭtoro de Vikipedio - praktika manlibro kaj de la plurlingva komputila terminkolekto Komputeko

Referencoj redakti

↑ ^1,0 ^1,1 La nombroj pri partoprenintoj baziĝas parte sur la interreta listo de aliĝintoj kiu aperas ĉe Jam aliĝis (kie en la ĉefa listo enestas 33 personoj) kaj precipe sur taksoj ricevitaj de la organizinto Vladimír Dvořák, laŭ precizigo de la ĉeforganizintino kaj lia edzino Pavla Dvořáková (laŭ kiu ne nepre mendo de loĝado, sed pli ol unu-taga partopreno estas decida).
↑ ^2,0 ^2,1 Tiuj ĉi landoj aperas en la interreta listo de aliĝintoj ĉe Jam aliĝis kaj estis eksplicite konfirmitaj de la organizinto Vladimír Dvořák.
↑ Esperanta Vikipedio festis sian dekjariĝon dum Vikimanio

Vidu ankaŭ redakti

Kadre de la matineo eksonis ankaŭ Sonatino en a minor de Jiří Antonín Benda

Vikipedio:Vikimanio Svitavy 2011
Vikipedio:Rezultoj de Esperanta Vikimanio 2011
Vikimanio (renkontiĝo de ĉiuj lingvaj versioj de la Vikipedio, kun oficiala lingvo la angla)

Eksteraj ligiloj redakti

Kategorio Esperanta Vikimanio en la Vikimedia Komunejo (Multrimedaj datumoj)
Esperanta Vikimanio en Vikifontaro (Universala biblioteko)

Studenthejmo de la ekonomia mezlernejo en Svitavy, kie okazis parto de la programo

Retpaĝaro de la unua Esperanta Vikimanio esperante
Wikipedisté ve Svitavách^{[rompita ligilo]} – gazetara komunikilo de la urbo Svitavy ĉeĥe

Tekstoj de prelegoj redakti

Smith, Chuck: Historio de Vikipedio^{[rompita ligilo]}
Malovec, Miroslav: Mia aktivado ĉe Vikipedio (Vikifontaro)
Blahuš, Marek: Libereco de panoramo kaj Vikimedia Komunejo (Vikimedia Komunejo)

Raportoj post la aranĝo redakti

Televid- kaj radioelsendoj redakti

Ve Svitavách se sešli tvůrci Wikipedie v esperantu Události v regionech (Brno). Česká televize. 2011-10-27, ekde 18:00. ĉeĥe (En Svitavy renkontiĝis kreantoj de Vikipedio en Esperanto)
Sraz Wikipedistů Studio 6. Česká televize. 2011-10-27, ekde 05:59. ĉeĥe (Rendevuo de vikipediistoj)
Wikipedie pomáhá popularizaci Esperanta (ankaŭ en Youtube). Regionální televize CMS TV Svitavy. 2011-11-08. ĉeĥe (Vikipedio helpas popularigon de Esperanto)
Reportérka Věra Pavlasová o esperantské Wikimánii ve Svitavách Odpolední Radiožurnál s Hankou. Český rozhlas 1 - Radiožurnál. 2011-10-28, ekde 15:00 (serĉu la parton 38:14-40:25). ĉeĥe (Raportistino Věra Pavlasová pri Esperanta Vikimanio en Svitavy)
Dobré ráno, Česko - 27. října^{[rompita ligilo]} Uslyšíme ve čtvrtek. Český rozhlas 2 Praha. 2011-10-27. ĉeĥe (Ni aŭdos ĵaŭde)
Tip na výlet - Esperanto Svitavy^{[rompita ligilo]} (ankaŭ en Youtube). Televize Prima - regionální magazín Zkraje týdne. 2011-11-01. ĉeĥe (televida rubriko Rekomendo pri ekskurso - Esperanto Svitavy - prezento de Esperanto-Muzeo kaj de Vikimanio)
10. výročí Wikipedie v esperantu^{[rompita ligilo]} Monitor. Český rozhlas Leonardo. 2011-11-04, ekde 10:00. (serĉu la parton 22:02-29:45). ĉeĥe (10-a datreveno de Vikipedio en esperanto)