Esperanto. Volledige Spraakleer met Oefeningen en Sleutel
Esperanto. Volledige Spraakleer met Oefeningen en Sleutel [1] [Kompleta Gramatiko kun Ekzercoj kaj Ŝlosilo], verkita kaj eldonita en 1910 de la flandra Esperanto-pioniro Antoon Jozef Witteryck, estas unu el la unuaj presitaj Esperanto-gramatikoj por nederlandlingvanoj en Flandrujo. Ĝi estas ege konciza kaj speciale destinita por la personoj kiuj sufiĉe bone scias la gramatikan regularon de la nederlanda lingvo. En tiu tempo oni kutime emfazis la simplecon de la Esperanto-gramatiko.
| Esperanto Volledige Spraakleer met Oefeningen en Sleutel | ||
|---|---|---|
 Volledige Spraakleer met Oefeningen en Sleutel | ||
| Aŭtoro | Antoon Jozef Witteryck | |
| Eldonjaro | 1910 | |
| Urbo | Bruĝo | |
| Eldoninto | A.-J. Witteryck | |
| Paĝoj | 43 | |
Nuntempe la libreto antaŭ ĉio gravas el la vidpunkto de la historio de Esperanto. Efektive, Witteryck estis fidela Esperantisto kiu klare avertis siajn samtempulojn kontraŭ la tiam danĝera Ido-movado.
Notinde estas ke la nederlanda lingvouzo de tiu libro tre malsimilas al tiu de nuntempe. Kontraŭe, la Esperanto estas tiom freŝa kvazaŭ ĝi estus skribita hieraŭ.
Vidu ankaŭ redakti
Referencoj redakti
- ↑ Thys, Guido 1983 : Flandra kaj Nederlanda Esperanto-bibliografio, Vlaamse Esperantobond, Antwerpen, 92 p.
