Flavgorĝa parulio

La Flavgorĝa parulio, Dendroica dominica, estas malgranda paserina birdo de la familio de Paruliedoj de Ameriko kaj granda genro de Dendroica. Ĝi estas migranta kantobirdo kiu reproduktiĝas en moderklimata Nordameriko.

Kiel legi la taksonomion Flavgorĝa parulio
Flavgorĝa parulio, masklo supre kaj ino sube
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Paruliedoj Parulidae Genro: Dendroica Specio: 'D. dominica'
Dunomo
Dendroica dominica (Linnaeus, 1766)
Konserva statuso
Konserva statuso: Malplej zorgiga
Aliaj Vikimediaj projektoj

Ilustraĵo

Aspekto

Upperside coloration

Somere masklo de Flavgorĝa parulio montras grizajn suprajn partojn kaj flugilojn, kun duobla blanka flugilstrioj kaj interna nigra strio; ankaŭ la frunto estas nigreca kaj griziĝas al krono. Ties gorĝo estas tre sulfurflava kaj la resto de ties subaj partoj estas blankecaj, kaj striecaj je nigro en flankoj. Ties kapo estas tre markata je blanka kaj nigra bildo, kun longa kaj larĝa superokula blanka strio kaj alia blanka areo kolflanke krom blanka subokula makulo; la diferencaj subspecioj povas montri flavajn, blankajn superokulajn striojn aŭ blankajn kun la komenco flava. El la nigra traokula strio suben etendas nigraj orelareo kaj vango kiu atingas la ŝultron. Flugil- kaj vostoplumoj estas nigraj.

Aliaj plumaroj de tiuj birdoj – inoj, nematuruloj kaj nereproduktantaj maskloj- similas al eluzitaj versioj de someraj maskloj, ĉefe ili havas malpli freŝe markatan kapobildon. Ili havas ankaŭ malpli brilflavon, kaj malhelgrizajn plumojn anstataŭ nigraj en la korpo. Kompare kun multaj aliaj paruliedoj, ties seksa dimorfismo estas nur ioma tamen.

La kanto de la maskloj estas klaraj kaj descendaj fajfoj. La alvokoj estas altatonaj sii aŭ akraj ĉip.

Ekologio

Vintre en Kubo

Tiuj birdoj reproduktiĝas en sudorienta Nordameriko, kaj ties reproduktaj teritorioj etendas el suda Pensilvanio kaj norda Misurio, al Golfo de Meksikio. Estas loĝantaj birdoj la tutan jaron la populacioj de du subspecioj, el nordokcidenta Florido kaj Bahamo. La aliaj populacioj de tiu specio estas migrantaj, kiu vintras ĉe la golfa marbordo, orienta Centrameriko, kaj Karibio. Vagantaj vintrantaj birdoj estas foje vidataj en plej norda Sudameriko.

La Flavgorĝa parulio estas arbara specio kiu preferas arbarojn de koniferoj aŭ marĉo, en kiuj ili prefereble nestumas. Ili estas insektovoraj, sed inkludas gravan kvanton de beroj kaj nektaro en siaj dietoj for de la reprodukta sezono. Manĝo estas tipe plukita el arbobranĉoj rekte, sed flugantaj insektoj povas esti kaptataj per rapida flugero.

Tiuj birdoj konstruas tasforman neston kiu estas konstruata en arbo, kaj kaŝata inter koniferaj pingloj aŭ Hispana musko (Tillandsia usneoides). Ties ovaro konsistas el 3-5 (plej ofte 4) ovoj.

La Flavgorĝa parulio ne estas konsiderata minacata specio fare de la IUCN.

Referencoj

• BirdLife International (BLI) (2008). Dendroica dominica. En: IUCN 2008. IUCN Ruĝa Listo de Endanĝeritaj Specioj. Elŝutita en 6a Novembro 2009.
• Curson, Jon; Quinn, David & Beadle David (1994): New World Warblers. Christopher Helm, London. ISBN 0-7136-3932-6
• Storrs Olson; James, Helen F. & Meister, Charles A. (1981): Winter field notes and specimen weights of Cayman Island Birds. Bulletin of the British Ornithologists' Club 101(3): 339-346. PDF plena teksto Arkivigite je 2012-02-27 per la retarkivo Wayback Machine
• Strewe, Ralf & Navarro, Cristobal (2004): New and noteworthy records of birds from the Sierra Nevada de Santa Marta region, north-eastern Colombia. Bulletin of the British Ornithologists' Club 124(1): 38-51. PDF plena teksto

Eksteraj ligiloj

• Flavgorĝa parulio, Birdosono Arkivigite je 2011-01-06 per la retarkivo Wayback Machine

Plia legado

Libroj

• Hall, G. A. 1996. Yellow-throated Warbler (Dendroica dominica). In The Birds of North America, No. 223 (A. Poole and F. Gill, eds.). The Academy of Natural Sciences, Philadelphia, and The American Ornithologists’ Union, Washington, D.C.

Tezoj

• Barrow WC, Jr. Ph.D. (1990). Ecology of small insectivorous birds in a bottomland hardwood forest. Louisiana State University and Agricultural & Mechanical College, United States, Louisiana.

Artikoloj

• Banks RC & Browning MR. (1980). Correct Citations for Some North American Bird Taxa. Proceedings of the Biological Society of Washington. vol 92, no 1. p. 195-203.

• Brooke M. (1969). Yellow-Throated Warbler in Ledges State Park. Iowa Bird Life. vol 39, no 3.

• Craig JT. (1972). 2 Fall Yellow-Throated Warblers in California. California Birds. vol 3, no 1. p. 17-18.

• Easterla DA & George W. (1970). Marbled Godwit and Yellow-Throated Warbler in Colombia South America. Condor. vol 72, no 4.

• Emlen JT. (1973). Territorial Aggression in Wintering Warblers at Bahama Agave Blossoms. Wilson Bulletin. vol 85, no 1. p. 71-74.

• Gabbe AP, Robinson SK & Brawn JD. (2002). Tree-species preferences of foraging insectivorous birds: Implications for floodplain forest restoration. Conservation Biology. vol 16, no 2. p. 462-470.

• Gaddis P. (1980). Mixed Flocks Accipiters and Anti Predator Behavior. Condor. vol 82, no 3. p. 348-349.

• Haney JC & Lydic J. (1999). Avifauna and vegetation structure in an old-growth oak-pine forest on the Cumberland Plateau, Tennessee (USA). Natural Areas Journal. vol 19, no 3. p. 199-210.

• Klaus NA, Buehler DA & Saxton AM. (2005). Forest management alternatives and songbird breeding habitat on the Cherokee National Forest, Tennessee. Journal of Wildlife Management. vol 69, no 1. p. 222-234.

• Koes RF. (1991). Additions to the Manitoba Bird List 1985-1990. Blue Jay. vol 49, no 4. p. 202-207.

• Larson B. (1996). The yellow-throated warbler: Soon to breed in Ontario?. Ontario Birds. vol 14, no 1. p. 3-9.

• Latta SC, Parkes KC & Wunderle JM, Jr. (1998). A new intrageneric Dendroica hybrid from Hispaniola. Auk. vol 115, no 2. p. 533-537.

• McNair DB. (1986). Past Breeding Distribution of Eleven Species in Georgia USA Based on Nest Records from Egg Data Slips. Oriole. vol 51, no 2-3. p. 28-31.

• Mery SC. (1976). Oklahoma Fall Records for the Yellow-Throated Warbler. Bulletin of the Oklahoma Ornithological Society. vol 9, no 4.

• Morse DH. (1974 ). Foraging of Pine Warblers Allopatric and Sympatric to Yellow-Throated Warblers. Wilson Bulletin. vol 86, p. 4.

• Norton RL. (1979). New Records of Birds for the Virgin Islands. American Birds. vol 33, no 2. p. 145-146.

• Patten MA & Marantz CA. (1996). Implications of vagrant southeastern vireos and warblers in California. Auk. vol 113, no 4. p. 911-923.

• Paxton RO, Buckley PA & Cutler DA. (1976). Hudson Delaware Region. American Birds. vol 30, no 4. p. 817-823.

• Stevenson HM. (1977). A Comparison of the Apalachicola River Avi Fauna above and Below Jim Woodruff Dam. Florida Marine Research Publications. vol 26, p. 34-36.

• Strauch JGJ. (1974). 1st Ontario Specimen of the Yellow-Throated Warbler. Canadian Field Naturalist. vol 88, no 3.

• Tomlinson DW. (2004). Wintering warblers in Cuba. Ontario Birds. vol 22, no 1. p. 15-19.