Franz Muhri
Franz MUHRI (naskiĝinta la 12-an de oktobro 1924 en Wies-Limberg, mortinta la 7-an de septembro 2001 en Vieno) estis aŭstra politikisto kaj pli ol kvaronan jarcenton prezidanto de la Komunista Partio de Aŭstrio (KPÖ).
| Franz Muhri | |
|---|---|
 Diktatoro Nicolae Ceaușescu kaj Muhri en Rumanujo | |
| Persona informo | |
| Naskiĝo | 12-an de oktobro 1924 en Limberg bei Wies |
| Morto | 7-an de septembro 2001 (76-jaraĝa) en Vieno |
| Tombo | Feuerhalle Simmering |
| Lingvoj | germana |
| Ŝtataneco | Aŭstrio |
| Okupo | |
| Okupo | politikisto |
Vivo redakti
Muhri unue estis simpla laborejulo; post plukleriga vesperkurso ĉe la komerca lernejo en Graz li estis salajara librotenisto. Post Anschluss li eniris en 1940 grupon de junaj kontraŭfaŝistoj kiun estris Richard Zach; lin poste ekzekutis la nazioj. Post eksoldateco ĉe Wehrmacht li dizertis iĝonte ano de rezistada roto.
Lia kariero partia ekis partisekretariece en Deutschlandsberg kaj Gänserndorf. Tri jarojn studis li sociologion en Moskvo ĉe la Centra partialtlernejo W. I. Lenin. En 1958 estiĝis li landa movadĉefo en Stirio, tri jarojn poste oni elektis lin en la centran komitaton kaj politburoon. En 1965 li estis sekvanto de Johann Koplenig kiel partiestro. Post komenca kondamno de la brutala finigo de Praga Printempo fare de la sovetiaj kamaradoj, KPÖ baldaŭ korektis sin kaj papagumis senkritike la kutiman moskvan fipropagandon.
Dum la 20-a partitago en januaro 1969, Muhri publike minacis abdiki se ne elektiĝus ankaŭ Eŭropen centritaj samideanoj je Centra komitato; krome li bontrovis daŭran partianecon de la meritplena sed kritika veterano Ernst Fischer. Sed de ĉ. 1970 li sen iu protesto jesis la kompletan ŝanĝon de KPÖ je partio fidelega al Kremlo. En 1990 li demisiis. Tombo lia troviĝas sur la tombejo la viena kvartalo Simmering.
Verkoj redakti
- kun Walter Baier: Stalin und wir. Globus, Wien 1991, ISBN 3-901421-51-3.
- Kein Ende der Geschichte: Erinnerungen, kritische Bilanz eines politischen Lebens, Gedanken über die Zukunft. Globus, Wien 1995, ISBN 3-85364-218-7.
Eksteraj ligiloj redakti
- Informoj pri Franz Muhri en katalogo de la Germana Nacia Biblioteko (germane)
- sonregistroj kun Muhri ĉe Österreichische Mediathek
- Franz Muhri pri la modernigo de KPÖ ĉe Jutubo