Galaksia rotacia kurbo

La rotacia kurbo de galaksio estas grafikaĵo, kiu montras, en absciso la orbitan rapidecon de steloj aŭ gaso en la galaksio (mezurata per efiko de Doppler), kaj en ordinato la distanco al kiu tiuj korpoj situas for de la galaksia centro.

Rotacia kurbo de tipa spirala galaksio: antauvidita (A) kaj observita (B). La ekarto inter la kurboj estas atribuata al la malluma materio.

La maksimumo de la kurbo situas je kelkaj kiloparsekoj de la galaksia centro, kaj pli malproksime, la steloj orbitas je konstanta rapideco en granda intervalo da distancoj el tiu centro. Tiel, ili orbitas kun rapideco multe pli granda ol tiu, kiun oni kalkulis per la Leĝoj de Newton (kiel la planedoj ĉirkaŭ Suno, la pli malproksimaj orbitantaj korpoj devus orbiti malpli rapide).

Por kialigi la ekarton inter la kalkulita kaj observata kurboj, oni hipotezas, ĉu la ĉeeston de neobservebla malluma materio, ĉu novan teorion, kiu kompletus la leĝon de Newton por malgrandegaj akceloj: la MOND-teorio.

Eksteraj ligiloj

• france Malluma materio kaj galaksia rotacio (Paĝoj de Richard TAILLET) Arkivigite je 2009-12-21 per la retarkivo Wayback Machine
• france angle Plateco de la galaksiaj rotaciaj kurboj