Gerontologio

Gerontologio aŭ maljunecoscienco estas fako, kiu studas la maljunecon kaj maljuniĝon. Malsame ol geriatrio, medicina branĉo, kiu okupiĝas pri malsanoj ligitaj al la maljuneco, la gerontologio okupiĝas ekskluzive pri aspektoj de konservado de la sano. Ĝi cetere estas plurfaka kampo, kiu tuŝas interalie psikologiajn, sociajn, ekonomiajn, demografiajn aspektojn.

Maljunulino, nigroblanka bildo fotita de Chalmers Butterfield

Multe disvolviĝas tiu fako pro la nuntempa konscio pri maljuniĝo de la homa loĝantaro. Cetere la vivomaniero ekde la 20-a jarcento rompis multajn tradiciojn pri familiaj ligiloj kaj tiu izoliteco de maljunuloj sekve rezultigas necesan pli grandan aŭtonomecon.

Gerontologio do celas plilongigi la vivon kaj plialtigi la vivkvaliton de maljunuloj.

Vidu ankaŭ

• Valter Longo
• Metodo Thomas Uhl
• Otto Buchinger
• Varmoterapio kaj fastodieto
• Longviveco
• Maljunulejo

Eksteraj ligiloj

• http://www.senescence.info
• http://whoswho.senescence.info/people.php
• http://www.careersinaging.com/careersinaging/what.html Arkivigite je 2010-03-29 per la retarkivo Wayback Machine
• http://www.mshealthcareers.com/careers/gerontologist.htm Arkivigite je 2006-02-15 per la retarkivo Wayback Machine