Grewia asiatica

Grewia asiatica (grevio) (urdua: فالسہ , hindia: फ़ालसा', guĝarata: ફાલસા') estas plantospecio de la genro Grewia, kiu hejmiĝas en suda Azio, de Pakistano ĝis Kamboĝo; kaj en aliaj tropikaj landoj vaste troviĝas. Grewia asiatica nur estis unue konsiderita kiel vario de Phalsa. Sed hodiaŭ estas rigardata kiel propra specio.

Kiel legi la taksonomion Grewia asiatica
Floroj kaj folioj
Biologia klasado
Regno: Plantoj, Plantae Divizio: Angiospermoj, Magnoliophyta Klaso: Spermatofitoj Familio: Malvacoj, Malvaceae Subfamilio: Grewioideae Genro: Grewia Specio: G. asiatica
Dunomo
Grewia asiatica L.
Aliaj Vikimediaj projektoj

Aspekto

Grewia asiatica estas arbusto aŭ malgranda arbo, kiu kreskas ĝis 8 m. La folioj estas larĝe rondaj, 5-18 cm longaj kaj kun folitigo de longeco de 1-1,5 cm. La floroj staras en zimoj kunigitaj je pluraj; la unuopaj floroj havas diametron de ĉ. 2 cm, estas flavaj kun kvin grandaj (12 mm) sepaloj kaj kvin pli malgrandaj (4-5 mm) petaloj. La frukto estas manĝebla drupo. Ĝia diametro 5-12 mm kaj ĝi estas lila ĝis nigra dum matureco.

Kultivado kaj uzado

Grewia estas kultivata pro sia dolĉ-acida frukto, kiu dum la someraj monatoj estas proponita. La ŝerbeto estas farata el la fruktkarno per miksado kun sukero.