Halina Weinstein
varsovia esperantistino kaj privata instruistino. Ŝi gvidis eldonsekcion de Studenta Esperanto-Asocio kaj estis vicdelegitino de UEA.
Halina WEINSTEIN (konata sub la fraŭlina nomo Weinsteinówna; naskiĝis la 4-an de januaro 1902 en Varsovio) estis privata instruistino. Ŝi gvidis eldonsekcion de Studenta Esperanto-Asocio kaj estis vicdelegitino de UEA. Instruistino de Cseh-kursoj, verkis originale poeziaĵojn kaj prozaĵojn publikigitajn en Pola Esperantisto kaj aliaj gazetoj; okupiĝis pri tradukado. Ŝi estis (kune kun Izrael Lejzerowicz) reprezentanto de Literatura Mondo por Pollando[1].
| Halina Weinstein | |
|---|---|
| |
| Persona informo | |
| Naskiĝo | 4-an de januaro 1902 en Varsovio |
| Morto | 1942 |
| Lingvoj | Esperanto • pola |
| Loĝloko | Varsovio |
| Ŝtataneco | Pollando |
| Alma mater | Universitato de Varsovio |
| Familio | |
| Patrino | Anna Weinstein |
| Okupo | |
| Okupo | esperantisto • instruisto |
Por la turisma gvidlibro Pollando kaj Gdańsk eldonita en Krakovo en 1927 Halina Weinstein verkis ĉapitrojn pri Varsovio[2].
Halina Weinstein estis filino de Anna Weinstein.
Ŝi mortis en 1942 en varsovia geto[3].
