Henniez
publikigita versio estis patrolita je 18 jul. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 18 jul. 2023.
|
Por samtitola artikolo vidu la paĝon Henniez (stacidomo). |
Henniez estas komunumo en la distrikto Brojo-Vully en Kantono Vaŭdo, Svislando. Ĝi havis 263 loĝantojn je la 31-a de decembro 2011.
| Henniez | |
|---|---|
.svg) | |
| Blazono de Henniez | |
 | |
| Henniez | |
| komunumo en Svislando | |
| Kantono | Vaŭdo |
| Distrikto | Brojo-Vully |
| Geografia situo | CH1903: 557542 / 176963 (mapo)46.74256.8830555555556Koordinatoj: 46° 45′ N, 6° 53′ O; CH1903: 557542 / 176963 (mapo) |
| Nombro de loĝantoj | 263 |
| Areo | 2,63 km² |
| Alteco | 484 m super marnivelo |
| Poŝtkodo | 1525 |
| Komunumkodo | 5819 |
 | |
| Mapo de Henniez | |
Geografio redakti
Henniez situas en la Svisa Mezlando ĉe la sudorienta bordo de la rivero Brojo, proksimume 10 kilometrojn sudsudokcidente de la distriktĉefurbo Payerne. La komunumo konsistas el la vilaĝo Henniez kaj la setlejoj Le Replan, Station de Henniez kaj Anciens Bains de Henniez.[1]
La teritorio de la komunumo etendiĝas sur areo de 2,61 km², de kiuj 24,1% estas kovritaj de arbaro, 56,3% servas por agrikulturo kaj 15,3% por setlado. [2]
Najbaraj komunumoj redakti
La komunumo Henniez limas en nordo kaj en sudo al la komunumo Valbroye, en oriento al Villarzel, kaj en okcidento al Villeneuve (FR).
Trafiko redakti
Tra Henniez pasas la kantona ĉefvojo n-ro 1 de Zuriko al Ĝenevo. La plej proksima alveturejo al la svisa aŭtovojo A1 situas proksimume 8 kilometrojn norde apud Estavayer-le-Lac. Al la publika transportreto la komunumo estas konektita pere de la stacidomo ĉe la trajnlinio de Svisaj Federaciaj Fervojoj de Friburgo al Laŭzano.
Ekonomio redakti
La plej konata entrepreno en Henniez estas la mineralfonto Sources Minérales Henniez SA, kiu en la jaro 2007 estis akirita de Nestlé kaj kunigita kun ties propra entrepreno Nestlé Waters (Suisse) SA. La mineralakvo de Henniez estas la plej vendata mineralakvo en Svislando. La mineralakvofonto de Henniez estis konata en la romia epoko kaj uzita sub la berna regado.[3]
Historio redakti
La unua dokumenta mencio de Henniez datiĝas el la jaro 1380 kiel Ennyt. La mineralakva fonto, kiu estis forte konektita kun la sorto de Henniez, jam estis malkovrita dum romia epoko. Dum mezepoko Henniez estis episkopa subvoktejo de Lucens. Dum la berna regado de 1536 ĝis 1798 ĝi estis regita de berna vokto. Post la Helveta Revolucio de 1798 ĝi fariĝis parto de la Distrikto Moudon, kiu en la jaro 2006 estis integrita al la Distrikto Brojo-Vully.[4]
Notoj kaj referencoj redakti
- ↑ Fonto: Reta mapo 1:20000 de Swisstopo[rompita ligilo]
- ↑ Fonto: Komunumdatumoj de la retejo de la Svisa Federacia Oficejo pri Statistiko, retejo konsultita la 5-an de novembro 2011
- ↑ Fonto: Retejo de la mineralfonto Henniez Arkivigite je 2012-12-19 per la retarkivo Wayback Machine
- ↑ Fonto: Valérie Favez: Henniez en Historia Leksikono de Svislando (2007-12-11)
Vidu ankaŭ redakti
Eksteraj ligiloj redakti
- Informoj pri la komunumo Henniez Arkivigite je 2019-07-15 per la retarkivo Wayback Machine
- Vidu ankaŭ en la Vikimedia Komunejo la kategorion Henniez – (Kolekto de bildoj kaj plurmediaj dosieroj)