Himantopo (genro)
Himantopo (Himantopus) estas genro de sveltaj kaj elegantaj vadbirdoj el familio de Rekurbrostruledoj kune kun avocetoj kaj ordo de Ĥaradrioformaj.
Disvastiĝo redakti
Ili estas birdoj kiuj bredas aŭ migras en ĉiuj kontinentoj.
Aspekto redakti
La plenkreska birdo havas korpon grandan de 30-40 cm kaj enverguron de 60-50 cm.
Ĝi havas relative longajn, ruĝajn krurojn, per kiuj ĝi povas iri en profundaj akvoj, kie aliaj birdoj ne povas. Ĝi havas longan, rektan, maldikan (kiel pinglo), nigran bekon, per kiu ĝi trafiltras la ŝlimajn bordojn de la malprofundaj akvoj aŭ vadante en la akvo serĉas la nutraĵon, ĉefe insektojn kaj krustulojn. Estas granda kontrasto inter subaj blankaj partoj kaj nigraj flugiloj.
Taksonomio redakti
Estas grava problemo por decidi la ordigon de tiuj birdoj, kiuj plej ofte aperas kiel tri specioj en du genroj, nome:
- Himantopo Himantopus himantopus
- Nigra himantopo Himantopus novaezelandiae
- Blankkapa himantopo Cladorhynchus leucocephalus
Tamen aliaj sciencistoj lokigas tiun lastan en genro Himantopus, kaj disigas la amerikajn formojn de Himantopo kiel diferencaj specioj:
- Nigrokola himantopo Himantopus mexicanus
- Blankdorsa himantopo Himantopus melanurus