Internacia Polica Bulteno
La policfaka gazeto Internacia Polica Bulteno [1] [2] aperis en Parizo de 1911 ĝis 1914, eldonita de la tiea prezidanto de la Polica Klubo Esperantista, A. Miguiere kaj ĝia sekretario, E. Tison, policinspektoroj, kiuj ankaŭ fondis projekton de Internacia Esperantista Polica Asocio, kvankam kaj ilia gazeto kaj la asocio estis ĉesigitaj kaŭze de la Unua Mondmilito. Ĉiuj tiuj iniciatoj inkluzive de la gazeto La Polico de 1922 celis la uzon de Esperanto kiel internacia lingvo de la polica servo. Internacia Polica Bulteno reviviĝis en 1928, aperinte kiel monata polica fakrevuo kaj oficala organo de "Internacia Polica Ligo". Administranta redaktoro de la gazeto en 1933 estis Antoine Schwartz, inspecteur de police spéciale, en Strasburgo-Meinau, Francujo.
Internacia Polica Bulteno | |
![]() | |
revuo | |
---|---|
Speco | polica revuo |
Formato | A5 |
Periodeco | monata |
| |
Lando | Francujo |
Urbo | Strasburgo |
Posedanto | Internacia Polica Ligo |
Redaktisto | Antoine Schwartz |
Establodato | 1911 |
Ĉesigita publikado | 1935 |
| |
Referencoj redakti
- ↑ Stojan, Petro 1929 : Bibliografio de Internacia Lingvo numero 3263, paĝo 317
- ↑ Enciklopedio de Esperanto, vidu "Polico"
Eltiraĵoj redakti
-
Artikolo de Henri Mouton, julio 1933.