Irenedoj

La Irenedoj (Irenidae) estas orientalisa familio el la ordo de la Paseroformaj birdoj (Passeriformes). Ĝi konsistas el nur unu genro Ireno (Irena).

Kiel legi la taksonomion Irenedoj
Irena puella
Biologia klasado
Regno: Animaloj Animalia Filumo: Ĥorduloj Chordata Klaso: Birdoj Aves Ordo: Paseroformaj Passeriformes Familio: Irenidae Jerdon, 1863 Genro: Irena Horsfield, 1821
Specioj
Vidu tekston.
Aliaj Vikimediaj projektoj

Irenedoj estas mezgrandaj arboloĝantoj, kiuj distingiĝas per tre longaj superaj kaj subaj vostokovriloj. Ili havas bluan kaj nigran plumaron. La inoj ordinare estas pli malbrile kaj pli verde koloritaj, kaj ilia iriso estas profunde ruĝa.

La nestoj de la Irenedoj konsistas el plata, ne pelva submetaĵo, konstruita en branĉoforko. La kovaĵo entenas ordinare du aŭ tri brile olivokorajn kaj brune makulitajn ovojn.

Specioj kaj subspecioj

• Knabina ireno (Irena puella)
  • Knabina ireno andamana (Irena puella andamanica)
  • Knabina ireno krinigera (Irena puella criniger)
  • Knabina ireno malaja (Irena puella malayensis)
  • Knabina ireno tipa (Irena puella puella)
  • Knabina ireno sikima (Irena puella sikkimensis)
  • Knabina ireno turkisa (Irena puella turcosa)
  • Knabina ireno de Tweeddale (Irena puella tweeddalei)
• Cejanventra ireno (Irena cyanogaster)
  • Cejanventra ireno tipa (Irena cyanogastra cyanogastra)
  • Cejanventra ireno de Ella (Irena cyanogastra ellae)
  • Cejanventra ireno de Hoogstraal (Irena cyanogastra hoogstraali)
  • Cejanventra ireno nigramantela (Irena cyanogastra melanochlamys)