József Széll (departementestro)
József Széll [jOĵef sEl], laŭ hungarlingve kutima nomordo kaj plennome Széll József Antal estis hungara departementa oficisto, parlamenta deputito, bienulo. Liaj nobelaj antaŭnomoj estis dukai kaj szentgyörgyvölgyi [sentdjordjvoldji], liaj ambaŭ filoj estis Kálmán Széll kaj Ignác Széll.
| József Széll | |
|---|---|
 József Széll | |
| Persona informo | |
| Naskonomo | Széll József Antal |
| Naskiĝo | 11-an de majo 1801 en Bucsu |
| Morto | 6-an de aprilo 1871 (69-jaraĝa) en Szombathely |
| Ŝtataneco | Hungario |
| Familio | |
| Infanoj | Kálmán Széll • Ignác Széll |
| Okupo | |
| Okupo | politikisto |
József Széll[1] naskiĝis la 11-an de majo 1801 en Bucsu, li mortis la 6-an de aprilo 1871 en Szombathely.
Biografio redakti
József Széll akiris diplomon en Jura Akademio (Győr). Inter 1842-1848 li estis subdepartementestro de Vas (historia departemento), ekde 1844 ankaŭ parlamentano. Dum la hungara revolucio de 1848 li denove estis elektita parlamentano, sed en la sekva jaro li jam ne apogis tiun parlamenton. Ekde 1850 dum la politika subpremado li forlasis la politikon kaj li okupiĝis nur pri la familia bieno. Tamen li havis amikan rilaton kun Ferenc Deák. En 1861 la politiko mildiĝis (ne estis diktatora), li denove estis subdepartementestro, inter 1865-1867 denove parlamentano, de 1867 ĝismorte li estis departementestro. Li edziĝis en 1842 en Rábahídvég, lia edzino naskis 3 gefilojn inter 1843-1851.