Janine Jansen

Janine Jansen
Persona informo
Naskiĝo	7-an de januaro 1978 (46-jaraĝa); en Soest
Ŝtataneco	Reĝlando de Nederlando
Alma mater	Utrechts Conservatorium • Utrecht School of the Arts
Familio
Patro	Jan Jansen
Frat(in)o	David Jansen
Edz(in)o	Daniel Blendulf
Okupo
Okupo	violonisto
TTT
Retejo	https://www.janinejansen.com
	v • d • r

Janine Jansen, (*Soest, 7-an de januaro 1978) estas nederlanda violonistino. En la klasika muziko-ĝenro ŝi estas la muzikisto de kiu mondvaste la plej multaj albumoj estas elŝutitaj. Ŝi ankaŭ estas la iniciatinto kaj artista gvidanto de la jara "Internationaal Kamermuziek Festival Utrecht" (Internacia Ĉambromuzika Festivalo Utreĥto) .

Biografio redakti

Janine Jansen envenas por koncerto kun la Deutsche Kammerphilharmonie Bremen

Janine Jansen venas el muzika familio en Soest. Ŝia patro Jan Jansen ludas kirkorgenon, klavicenon kaj pianon. Li estis ekde 1987 ĝis junio 2011 orgenisto je la "Dom van Utrecht" (Katedralo de Utreĥto), kie ŝia avo Maarten Kooy dum dudek jaroj gvidis la kirkomuzikon kiel kantoro. Li organizis koncertserion dum la sabatposttagmezo, en kiu ankaŭ partoprenis sian nepinon. Ŝia onklo estas la baso Peter Kooy, ŝia patrino Christine Jansen - Kooy, regule kantas en la Domkirko kaj ŝia pliaĝa frato David Jansen kaj Maarten Jansen estas respektive klavicenisto kaj violonĉelisto.

Edukado / distingoj redakti

Janine Jansen komencis ludi violon je ses jaraĝo. En la klaseto de violdocento Coosje Wijzenbeek ŝi rimarkiĝis pro ŝia talento kaj motiviĝo. Je la utrechta konservatorio ŝi diplomiĝis en 1998 kun la plej alta distingo. Tie ŝi havis lecionojn de la junmortinta violisto Philipp Hirshhorn, kiu faris al ŝi neforigeblan impreson. Je juna aĝo ŝi gajnis diversajn nederlandajn violonkonkursojn, inter kiuj dufoje la Iordens Violontagoj en Hago. En 1993 ŝi gajnis - je 15-jaraĝo - la trian premion je la Nacia Violonkonkurso Oskar Back. En 2003 oni donis al ŝi la Nederlandan Muzikpremion; en 2007 en Germanio la NDR Muzikpremion. Je la 27-a de oktobro 2008 dum apero en la amsterdama koncertejo ŝi ricevis la VSCD Klasikan Muzikpremion en la kategorio Individua Plenumo. Pro ŝiaj koncertoj en Britio en 2008 ŝi ricevis la RPS Instrumentistan Premion.

Diskaro redakti

Albumoj redakti

Titolo	Aperdato	Enirdato	Plej alta poz.	Nombro da sem.	Notoj
Janine Jansen	2003	26-04-2003	20	15
Vivaldi - The four seasons	2004	09-10-2004	33	14	Oro
Mendelssohn & Bruch: Concertos & romance	2006	21-10-2006	23	21	Oro
Bach - Inventions & partita	2007	27-10-2007	12	18
Tchaikovsky - Vioolconcert	10-10-2008	18-10-2008	5	19
Beethoven / Britten: Violin concertos	25-09-2009	03-10-2009	3	32
Beau soir	24-09-2010	02-10-2010	3	17

Unuopaĵoj redakti

Titolo	Aperdato	Enirdato	Plej alta poz.	Nombro da sem.	Notoj
Nu dat jij er bent	11-12-2003	27-12-2003	14	8	kun Carel Kraayenhof kaj Trijntje Oosterhuis / Odo ĉe la naskiĝo de princino Catharina-Amalia / Nr. 14 en la Single Top 100