Kanada Esperanto-Asocio
La Kanada Esperanto-Asocio (KEA; angle: Canadian Esperanto Association, france: Association canadienne d’espéranto) estas la landa Esperanto-asocio de Kanado. Ĝi fondiĝis en 1958 pro iniciato de Dez Hackett post tiucela referendumo en 1957, kaj iusence daŭrigas la pli frue ekzistantan asocion sam-noman kiu fondiĝis en 1907 kaj kiu ĉesis funkcii en 1939 pro la Dua Mondmilito. Instigo al la fondo estis interalie la problemoj ĉirkaŭ Esperanto-Asocio de Norda Ameriko sub George Alan Connor. Kanada Esperanto-Asocio estas Landa Asocio de Universala Esperanto-Asocio, kaj ĝia junulara sekcio, Junularo Esperantista Kanada (kvankam neaktiva lastatempe) estas la kanada sekcio de la Tutmonda Esperantista Junulara Organizo.
| Kanada Esperanto-Asocio | |||||
|---|---|---|---|---|---|
| landa asocio de UEA | |||||
| Komenco | 1958 vd | ||||
| Lando(j) | Kanado vd | ||||
| Sidejo | Otavo | ||||
| Ĉefestro(j) | Paul Hopkins vd | ||||
| |||||
| Retejo | Oficiala retejo | ||||
| Jura formo | neprofitcela organizaĵo | ||||
Estraro redakti
La estraron de KEA en 2021-2023 konsistigas la jenaj personoj[1]:
- Paul Hopkins, prezidanto
- Geoffrey Greatrex, vicprezidanto
- Bob Williamson, sekretario
- Raymond Brisebois, kasisto
- Redaktoro de la asocia organo: vakas
- Estraranoj: Ĵenja Amis, Garry Evans, Andrew Sly, Tiffany Antopolski, Eric Demers
Komunikado redakti
La revuo de KEA aperas dufoje jare kaj nomiĝas Lumo. KEA funkciigas retejon por la Esperanto-asocioj de Kanado kaj kanadan retgrupon ĉe Yahoo por esperantistoj en Kanado.
Referencoj redakti
- ↑ Lumo printempo-somero 2021, p. 40
