Kohunlich

Kohunlich estas arkeologia urbo de la majaoj situante sur la duoninsulo Jukatano en Mezameriko. Ĝi troviĝas ĉirkaŭ 50 km okcidente de Chetumal en Quintana Roo, Meksiko.

Kohunlich
urbo • arkeologia loko [+]
Lando	Meksiko
Regiono	Quintana Roo
Situo	Chetumal
- koordinatoj	18° 25′ 0″ N, 88° 47′ 0″ U (mapo)18.41666667-88.78333333
Areo	2 m²
Kohunlich (Quintana Roo) DEC Kohunlich
Kohunlich
Vikimedia Komunejo:  Kohunlich [+]

Ŝtona masko en Kohunlich

Kohunlich estis retrovita en la jaro 1912 de la usonano Raymond Merwin.

Oni ne plu scias la originan nomon de la urbo, la vorto „Kohunlich“ devenas de aĉa elparolo de la angla esprimo „Cohoon ridge“ (Cohoon estas loka nomo de palmarbo). Tiun nomon elektis la unua arkeologo, kiu esploris la lokon, Víctor Segovia.

Unuaj majaoj ekloĝis en Kokunlich ĉirkaŭ -200. La plejmulto de la konstruaĵoj estas el la fruklasika erao (250 ĝis 600 kaj hodiaŭ en malbona stato kaj kovritaj de vegetaloj. La plej grava konstruaĵo estas la palaco de la maskoj, ornamita de ŝtonaj maskoj. Aldone troviĝas pluraj altaĵoj, piramidoj, citadeloj kaj placoj, kaj ankaŭ akvumsistemo kaj forflusistemo de akvo kun cisternoj por kolekti pluvakvon.

Vidu ankaŭ

• Majaoj
• Listo de majaaj ruinoj

Eksteraj ligiloj

• Kohunlich (hispane) Arkivigite je 2006-12-19 per la retarkivo Wayback Machine