Korado Korlević
Korado Korlević (naskiĝis la 19-an de septembro 1958 en Poreč) estas kroata astronomo, abunda malkovrinto de asteroidoj : Laŭ Minor Planet Center, li malkovris aŭ kunmalkovris 1282 asteroidojn[1] inter 1996 kaj 2001, kaj du kometojn.
| Korado Korlević | |
|---|---|
 Korado Korlević en 2000 | |
| Persona informo | |
| Nomo | Korado Korlević |
| Dato de naskiĝo | 19-a de septembro 1958 |
| Naskiĝloko | Poreč |
| Aĝo | 65 |
| Okupoj kaj profesioj | |
| Okupo | astronomo |
| Geografio | |
| Ŝtato | Kroatio |
| Lingvoj | |
| Parolata lingvo | kroata lingvo [+] |
| Portalo pri Homoj | |
Kariero redakti
Korlević komencis interesiĝi pri astronomio dum sia lernotempo en la Universitato de Pula, kie li aniĝis al la lokala grupo de amatoraj astronomoj. Dum la sekvaj jaroj li lernis konstrui teleskopojn kaj instruis astronomion por komencantoj al la Asocio de Amatoraj Astronomoj de Višnjan . En 1981 li diplomiĝis pri pedagogio en la Universitato de Rijeko .
En la fino de la 1980-aj jaroj, post esti instruisto en duagrada lernejoj, li estis unu el la fondintoj de la Jugoslava Lernejo pri Astronomio, pli malfrue konata sub la nomo Lernejo pri Astronomio de Višnjan, en kiu li serioze studis la meteorojn kaj la asteroidojn ; li havis centran lokon en la Internacia Meteorologia Organizo.
Korlević partoprenis al la unua internacia ekspedicio al la loko de la evento de Tungusko.[2] Sekve de tiu sukcesa ekspedicio, li iĝis aktiva por anstataŭi la teleskopon de la Observatorio de Višnjan, grave damaĝita dum la milito de julio 1991 al januaro 1992 : en 1995 la nova teleskopo ekfunkcis kaj permesis la malkovron de multnombraj asteroidoj kaj de 2 periodaj kometoj : 183P/Korlević-Jurić kaj 203P/Korlević .
La gupo de Višnjan konstruigis novan observatorion en la loko tiel nomata Tićan, ĉirkaŭ 4 km fore, por daŭrigi sian laboron pri la apud-teraj objektoj. En la situejo de Tićan ili ankaŭ konstruis la plej grandan "antenon de Schumann" el la mondo . Ili uzas ĝin por pruvi, ke la meteoroidoj enirantaj en la jonosferon havas signifan efikon sur la "resonanco de Schumann" ; tie estas la resonanco de elektromagnetaj ondoj inter la grundo kaj la jonosfero.
-
Observatorio de Tićan -
Anteno de Schumann
Aktivo en eduko redakti
Korado Korlević estis la redaktoro de la astronomia bulteno "Nebeske krijesnice" , kaj estas ofte citita kiel spertulo koncern'al la artikoloj pri la malgrandaj korpoj (kometoj, asteroidoj, meteoroidoj) kaj la alfrapoj. La instruo pri astronomio restas por li centra prioritato kaj li elspezas multan tempon por komuniki sian entuziasmon al la junaj generacioj.
Honoroj redakti
- Premio "San Mauro" la vilaĝo de Poreč por merito en eduko
- Premio "Edgar Wilson" 1999 por la malkovro de la kometo 183P/Korlevic-Jurić[3]
- Premio Edgar-Wilson 2000 por la malkovro de la kometo 203P/Korlević
- Premio "Ivan Filipović" 2002 de la Kroata Ministerio pri Eduko
La asteroido 10201 Korado estis nomita en lia honoro.[4]
Notoj kaj referencoj redakti
- ↑ MPC listo de asteroidaj malkovrintoj(angle)
- ↑ 1a Internacia Ekspedicio "The Jurney Through a mystery" Arkivigite je 2009-02-17 per la retarkivo Wayback Machine(angle)
- ↑ The Edgar Wilson Award Recipients de IAU Central Bureau for Astronomical Telegrams (angle)
- ↑ Slipo de la asteroido (10201) Korado de IAU Minor Planet Center (angle)
Vidu ankaŭ redakti
Eksteraj ligiloj redakti
- kroate Persona paĝo de Korado Korlević
- itale Korado Korlević vivprotokolo[rompita ligilo]