Kremla Armomuzeo
La Kremla Armomuzeo aŭ Kremla Armilejo (ruse Оружейная палата) estas unu el la plej malnovaj muzeoj de Moskvo, nome en la Moskva Kremlo, nune parto de la komplekso de la Moskvaj Kremlomuzeoj.
| Kremla Armomuzeo | |||
|---|---|---|---|
Оружейная палата
| |||
 | |||
| milita muzeo • nacia muzeo • konstruaĵo • muzeo • rekonilo | |||
| Lando | Rusio • Rusia Imperio • Sovetunio vd | ||
| Situo | Tverskoj | ||
| Posedanto | Registaro de la Rusia Federacio vd | ||
| Konstrustilo(j) | novbizanca arkitekturo • novrusa arkitekturo vd | ||
| Arkitekto(j) | Konstantin Thon vd | ||
| Estiĝo | 1806 | ||
| Koordinatoj | 55° 44′ 58″ N, 37° 36′ 48″ O (mapo)55.74957777777837.613411111111Koordinatoj: 55° 44′ 58″ N, 37° 36′ 48″ O (mapo) | ||
| |||
 Kremla Armomuzeo | |||
| Parto de | Granda Palaco de Kremlo vd | ||
| Retpaĝo | http://www.kreml.ru/en/main/kremlin/buildings/Orugeynaya_Palata | ||
La Kremla Armomuzeo originiĝis kiel reĝa armilejo en 1508. Ĝis la transigo de la kortego al Sankt-Peterburgo, la Armilejo zorgis pri la produktado, aĉetado kaj stokado de armiloj, juveloj kaj variaj luksaj varoj por la caroj. La plej fajnlertaj moskvaj armilistoj (fratoj Vjatkin), juvelistoj (Gavrila Ovdokimov), kaj pentristoj (Simon Ushakov) kutime laboris tie. En 1640 kaj 1683, oni malfermis tie studejojn por ikonografio kaj pentrarto, kie okazis instruado pri pentrado kaj metiartoj. En 1700, la Armilejo estis pliriĉigita per la trezoroj de la Ora kaj Arĝenta ĉambroj de la rusaj caroj.
En 1711, Petro la Granda translokigis la plej parton de la kolektoj al sia nova ĉefurbo, Sankt-Peterburgo. Dum la 19-a jarcento la muzeo kreiĝis kaj disvolviĝis. Post la Revolucio de 1917, la Armileja kolekto estis pliriĉigita per trezoroj el Patriarkeco, katedraloj, monaĥejoj kaj privataj kolektoj. Kelkaj el tiuj estis poste venditaj eksterlande fare de la reĝimo de Josif Stalin en la 1930-aj jaroj. En 1960, la Kremla Armilejo iĝis la oficiala muzeo de Kremlo. Krom grandaj kolektoj de rusiaj kaj eŭropaj artefaktoj, la muzeo enhavas ankaŭ armilojn kaj aliajn abjektojn el Persio kaj Turkio.