La kruckavaliroj (filmo)
La kruckavaliroj (pole: Krzyżacy) – pola filmadapto de samtitolita romano de Henryk Sienkiewicz reĝisorita de Aleksander Ford el 1960. Temas pri longa batalo de poloj kontraŭ la Ordeno de germanaj kavaliroj. Kompare kun la verko en la adapto, reĝo de Pollando Ladislao la 2-a Jogajlo (aktorita de Emil Karewicz) estas montrita pli pozitive, kio aldonis al la filmo poezian kaj patosan erojn.
| La kruckavaliroj | |
|---|---|
| filmo | |
| Originala titolo | Krzyżacy |
| Produktadlando |  Pollando
|
| Originala lingvo | pola lingvo |
| Kina aperdato | 2-a de septembro 1960 |
| Daŭro | 166 minutoj |
| Ĝenro | historia |
| Kameraado | Mieczysław Jahoda |
| Reĝisoro(j) | Aleksandro Ford |
| Produktisto(j) | Zespół Filmowy Studio |
| Scenaro | Georgo Stefano Stavinski, Aleksandro Ford |
| Laŭ la verko de | Henriko Ŝenkjeviĉ |
| Filmita en | Łódź |
| Loko de rakonto | Pollando |
| Muziko de | Kazimiro Serocki |
| Ĉefrolantoj | Urŝula Modĵinska, Graĵina Staniŝevska, Andreo Ŝalavski, Henriko Borovski, Aleksandro Fogiel, Mjeĉislavo Kalenik, Emil Karewicz, Tadeo Kosudarski, Lucyna Winnicka, Tadeo Bjaloŝĉinski, Mjeĉislavo Voit, Januŝo Straĥocki, Stanislao Jaŝukjeviĉ, Leono Njemĉik |
| Produktinta firmao | Zespół Filmowy Studio |
La kruckavaliroj havis plej grandan spektantaron en la tuta historio de polaj filmoj – 2 milionoj da spektantoj dum kelkaj unuaj monatoj[1], 14 milionoj dum unuaj kvar jaroj, kaj super 32 milionoj ĝis 1987[2] En Sovetunio spektis ĝin 29,6 milionoj homoj[3], en Ĉeĥoslovakio 2,65 mln[4], kaj en Francio 1 mln[5].
Premioj kaj festivaloj redakti
La filmo estis rekonita de la usona reĝisoro Martin Scorsese kiel unu el ĉefverkoj de la polaj filmoj kaj en 2014 estis indikita de li por prezentado en Usono kaj Kanado kadre de la festivalo de polaj filmoj Martin Scorsese Presents: Masterpieces of Polish Cinema.
Aldonaj informoj redakti
- La filmo estis unua pola entrepreno, en kiu estis engaĝitaj tiutempe la plej altaj regopovoj kune kun la unua sekretario de Pola Unuiĝinta Laborista Partio Władysław Gomułka. Por bezonoj de la filmo oni faris 28 000 kostumojn, kaj ĝin partoprenis 10 000 statistoj kaj 470 ĉevaloj. Ĝia grandega buĝeto permesus surbendigon de 11 mezlongaj filmoj.
- Unuajn scenojn oni registris la 3-an de aŭgusto 1959. Tio estis nokta ĉasado de urso. La lasta sceno koncernis kurbigon de hakilo dum renkonto en la kastelo de Alta majstro de la ordeno de germanaj kavaliroj.
- En unu skeĉo de Monty Python oni utiligis scenojn de la filmo, kvankam unu el komencaj surskriboj tekstis "Sirio 1203".
Vidu ankaŭ redakti
Eksteraj ligiloj redakti
Fontoj redakti
- ↑ Marcin Zaremba. Komunizm, legitymizacja, nacjonalizm: nacjonalistyczna legitymizacja władzy komunistycznej w Polsce. Trio (2001). ISBN 978-83-88542-14-5. paĝo 273.
- ↑ Haltof, Marek. Polish National Cinema. Berghahn Books (2002). ISBN 978-1-57181-276-6. paĝo 97.
- ↑ Крестоносцы. kinopoisk.ru.
- ↑ Křižáci. Film Culture: Brno 1945-1970.
- ↑ Les Chevaliers teutoniques. allocine.fr.