Le Deuxième Souffle (1966)
Le Deuxième Souffle (La Dua Spiro) estas franca filmo de Jean-Pierre Melville, aperinta en 1966, adaptita de libro de José Giovanni. Alain Corneau faris readapton en 2007.
| Le Deuxième Souffle | |
|---|---|
| filmo | |
| Originala titolo | Le Deuxième Souffle |
| Originala lingvo | franca lingvo |
| Kina aperdato | 1966, 5 nov. 1966, 2 nov. 1966 |
| Ĝenro | heist film, novnigra filmo, krimfilmo |
| Reĝisoro(j) | Jean-Pierre Melville |
| Scenaro | Jean-Pierre Melville • José Giovanni |
| Loko de rakonto | Parizo • Marsejlo |
| Muziko de | Bernard Gérard |
| Rolantoj | Lino Ventura • Paul Meurisse • Raymond Pellegrin • Marcel Bozzuffi • Michel Constantin • Paul Frankeur • Pierre Zimmer • Albert Dagnant • Albert Michel • Christine Fabréga • Denis Manuel • Jacques Léonard • Jean Négroni • Jean-Claude Bercq • Louis Bugette • Marcel Bernier • Pierre Grasset • Raymond Loyer • Roger Fradet |
| IMDb | |
Rakonto redakti
Gustave Minda, kromnomita 'Gu', eskapas el malliberejo. Konata en la krima medio pro ties fidindeco kaj kuraĝo, li retrovas du geamikojn, Manouche kaj Alban en Parizo. Tiuj ĉi estas atakitaj de du komplicoj senditaj de Joe Ricci, nefidinda kaj malmorala gangstero; Gu alvenas ĝustatempe kaj savas ilin. Manouche kal Alban unue kaŝas Gu-n proksime al Parizo, poste ili helpas lin kaŝiĝi en Marsejlo, atendante lian planitan fuĝon al Italio. Sed Gu deziras disponi pri propra financado por tiu operaco, pro sendependa volo. Delonga amiko enkondukas lin en aferon flanke de Paul Ricci, la frato de Joe kaj malnova amiko de Gu: temas pri eksterordinara atako de banka veturilo. La faro konsistas interalie el mortigo de du akompanantaj motorciklantoj. Gu akceptas kaj mortigas unu el ili.
Intertempe, komisaro Blot priserĉas Gu-n. Li sukcesas faligi lin en insidon, registrante lin nevole konfesantan sian komplicecon kun sia amiko Paul Ricci en la atako, antaŭ ol aresti lin. Dezirante proprigi al si la rabaĵon de sia frato, Joe Ricci alvenos al Marsejlo por venĝi sian enkarcerigitan fraton, maĥinaciante kun du aliaj komplicoj de la atako, kiuj timas ke Gu denuncos ilin siavice al la polico. Fidela al sia gangstera moralo, Gu tiam eskapos por kiel eble restarigi la veron kaj senkulpigi Paul-on, kiu kulpas pri neniu el la du murdoj dum la atako. Kunveno inter la kvar gangsteroj finiĝos tragike per reciproka pafmortigo...
Teĥnikaĵoj redakti
- Titolo: Le Deuxième Souffle
- Reĝisoro: Jean-Pierre Melville
- Adaptita de romano de José Giovanni
- Daŭro: 150 minutoj
- Aperdato: 4-a de novembro 1966 Francio
Rolularo redakti
- Lino Ventura: Gustave Minda, kromnomita Gu
- Paul Meurisse: Komisaro Blot
- Raymond Pellegrin: Paul Ricci
- Christine Fabréga: Simone, kromnomita Manouche
- Pierre Zimmer (Franca V.: Jacques Deschamps): Orloff
- Michel Constantin: Alban
- Marcel Bozzuffi: Jo Ricci
- Paul Frankeur: Komisaro Fardiano
- Denis Manuel: Antoine
- Pierre Grasset: Leonetti
- Jean Negroni: Inspektoro
- Raymond Loyer: Jacques le notaire (la notario)
- Albert Michel: Marcel le Stéphanois (la Sankt-Stefanano)
- Louis Bugette: Théo, maristo
- Albert Dagnant: Jeannot Franchi
