Lilly Schaerer
Lilly SCHAERER (1905 - mortis la 19-an de januaro 2001 en Langenthal) estis 60 jarojn membro de UEA, honora membro de Svisa Esperanto-Societo (SES) en Langenthal, kie ŝi estis delegito kaj fakdelegito pri teksado ekde 1947.
| Lilly Schaerer | |
|---|---|
| Persona informo | |
| Naskiĝo | 1-an de januaro 1905 |
| Morto | 19-an de januaro 2001 (96-jaraĝa) |
| Lingvoj | Esperanto |
| Ŝtataneco | Svislando |
| Okupo | |
| Okupo | esperantisto |
Lerninte Esperanton en 1932 per kurso de Tiberio Morariu, en 1941 ŝi akiris sub la aŭspicio de Edmond Privat superan instru-diplomon de Svisa Esperanto-Societo (SES). Dum tridek jaroj ŝi agadis je la pinto de SES, kiel prezidanto (1957-60), sekretario, kaskontrolanto kaj kasisto (1960-88); ŝia privata adreso longtempe servis kiel tiu de la asocio. En la LKK de la 64-a UK (Lucerno, 1979) ŝi rolis kiel kasisto.