Little Boy

Little Boy (en la angla: "knabeto") estis la koda nomo de la unua atombombo milite uzata. Ĝi estis faligita sur Hiroŝimon en Japanio, de la usona bombaviadilo Enola Gay la 6-an de aŭgusto 1945.

Principo de la atombombo Little Boy
1. Eksplodo de kordito
2. Kanono
3. Kava "pafaĵo" el uranio
4. "Celtabulo" el uranio

Eksplodante ja altitudo de 580 m, ĝi liberigis energion de 13 al 16 kilotunoj da TNT-ekvivalento.

Laŭ takso, de 2007, la nuklea eksplodo de "Little Boy" mortigis inter 90 000 kaj 160 000 homojn, ene de loĝantaro de 310 000.

Principo

Tiu bombo, disvolvita en la kadro de la Projekto Manhattan dum la Dua Mondmilito, entenis 64,1 kilogramojn da riĉigita uranio.

La ŝargo da uranio estis dividata en du masoj: la "pafaĵo", kava cilindro de 38,5 kg, estis ĵetita, per eksplodo de kordito en kanono, kontraŭ la "celtabulon", cilindro de 25,6 kg. La "pafaĵo" ŝoviĝis ĉirkaŭ la "celtabulon", tiamaniere, ke tio kreis sojlan mason ekigantan nuklean ĉenan reakcion.

Kelkajn tagojn poste, la 9-an de aŭgusto 1945, dua bombo kromnomita "Fat Man" detruis Nagasakon.

• 
  interna konsistigo de Little Boy (anglaj tekstoj)
• 
  maketo de Little Boy en la National Museum of the Air Force
• 
  Bombaviadilo Enola Gay kaj ĝia anaro
• 
  Nuklea nubo super Hiroŝimo, post la eksplodo

Eksteraj ligiloj

• france La bombo de Hiroŝimo
• france Malvolvo de la nuklea bombo - "Little Boy" kaj "Fat Man" Arkivigite je 2007-01-25 per la retarkivo Wayback Machine
• france La unua atombombo
• angle Oftaj demandoj pri la unuaj nukleaj armiloj
• angle Arkivoj pri nukleaj armiloj
• angle La historio de Enola Gay