Lohnstorf
Lohnstorf estis ĝis la 31-a de decembro 2009 komunumo de la distrikto Seftigen kaj ek de la 1-a de januaro 2010 komunumo de la administra distrikto Berno-Mezlando en Kantono Berno, Svislando. Ĝi havis 228 loĝantojn je la 31-a de decembro 2010.
| Lohnstorf | |
|---|---|
 | |
| Blazono de Lohnstorf | |
| vilaĝo • former municipality of Switzerland | |
| Kantono | Berno |
| Administra distrikto | Berno-Mezlando |
| Malnova distrikto ĝis 2009 | Seftigen |
| Koordinatoj | 46° 48′ 24″ N 7° 30′ 38″ O / 46.80667 °N, 7.51056 °O (mapo)Koordinatoj: 46° 48′ 24″ N 7° 30′ 38″ O / 46.80667 °N, 7.51056 °O (mapo) |
| Nombro de loĝantoj | 228 |
| Areo | 1,80 km² |
| Alteco | 570 m super marnivelo |
| Poŝtkodo | 3127 |
| Komunumkodo | 0874 |
 | |
| Mapo de Lohnstorf | |
Geografio redakti
Lohnstorf situas en la Svisa Mezlando en la valo de la rivero Gürbe proksimume 11 kilometrojn nordokcidente de la urbo Thun kaj 20 kilometrojn sude de la federacia urbo Berno. La komunumo konsistas el la vilaĝo Lohnstorf, la setlejoj Breite kaj Chrösuacher kaj kelkaj izolitaj bienoj.
La teritorio de la komunumo etendiĝas sur areo de 1,80 km², de kiuj 1,67% estas kovritaj de arbaro, 92,2% servas por agrikulturo kaj 6,67% por setlado. [1]
Najbaraj komunumoj redakti
La komunumo Lohnstorf limas en nordo al Mühlethurnen, en oriento al Kirchdorf, en sudo al Burgistein, kaj en okcidento al Riggisberg.
Trafiko redakti
Tra la komunumo pasas la kantona ĉefvojo n-ro 221 tra la Gürbe-Valo de Belp al Wattenwil. La plej proksima alveturejo al la svisa aŭtovojo A6 situas proksimume 6 kilometrojn oriente en Kiesen. Kvankam la trajnlinio tra la Gürbe-Valo de Belp al Thun pasas tra la komunuma teritorio, Lohnstorf mem ne disponas pri stacidomo aŭ alia propra konekto al la publika transportreto. La stacidomo Thurnen en Mühlethurnen tamen situas nur 1 kilometro norde de la vilaĝo Lohnstorf.
Historio redakti
La unua dokumenta mencio de Lohnstorf datiĝas el la jaro 1148 kiel Lonestrof. Sur la teritorio de Lohnstorf estis trovitaj romiaj moneroj kaj restaĵoj de romia setlejo. Dum mezepoko la bienoj en Lohnstorf apartenis al familioj de la berna civito. Supozeble Lohnstorf formis parton de la donaco der Kirchenthurnen al la Monaĥejo Interlaken en la jaro 1343. Post la reformacio en la jaro 1528 Berno atribuis la vilaĝon Lohnstorf al la tribunalo de Thurnen en la Kampartribunalo Seftigen. Post la fino de la Helveta Respubliko Lohnstorf estis atribuita al la distrikto Seftigen kaj post ties malfondo en la jaro 2010 al la administra distrikto Berno-Mezlando.[2]
Notoj kaj referencoj redakti
Eksteraj ligiloj redakti
- Vidu ankaŭ en la Vikimedia Komunejo la kategorion Lohnstorf – (Kolekto de bildoj kaj plurmediaj dosieroj)