Manmohan Singh

Manmohan SINGH (urdue: منموہن سنگھ, panĝabe: ਮਨਮੋਹਨ ਿਸੰਘ, hinde: मनमोहन सिंह) (naskotago: 26-a de septembro, 1932) estas la dekkvara ĉefministro de Barato. Naskiĝinte en vilaĝo en la tiama provinco de Panĝabo en la Brita Barato, li kompletigis sian bazan edukon ĉe la Universitato de Panĝabo en 1948. Poste li iris al Unuiĝintan Reĝlandon por studi ekonomikon ĉe la Universitato de Cambridge. Li publikigis sian unuan libron India’s Export Trends and Prospects for Self-Sustained Growth en 1964, kiu estas kritika de la tiamaj, barataj, negocaj polisoj.

Manmohan Singh منموہن سنگھ ਮਨਮੋਹਨ ਿਸੰਘ मनमोहन सिंह
Persona informo
ਮਨਮੋਹਨ ਸਿੰਘ मनमोहन सिंह મનમોહન સિંહ
Naskiĝo	26-a de septembro 1932 en Brita Barato
Religio	siĥo
Lingvoj	angla • hindia vd
Loĝloko	7, Lok Kalyan Marg vd
Ŝtataneco	Barato • Brita Hindio vd
Alma mater	Universitato de Panĝabo Universitato de Cambridge
Partio	Barata Nacia Kongreso
Familio
Edz(in)o	Gursharan KAUR
Infanoj	Amrit KAUR (nask. 1969) Upinder KAUR Daman KAUR
Profesio
Okupo	politikisto
Postenoj Postenoj Ĉefministro de Barato • asembleano de la Nacia Asembleo de Barato • Ministro de Financoj • Deputy Chairman of the Planning Commission • Governor of the Reserve Bank of India • Leader of the Opposition in the Rajya Sabha • ministro pri eksteraj rilatoj de Barato • Minister of Culture • asembleano de la Nacia Asembleo de Barato vd
Honorigoj Honorigoj CNN-News18 Indian of the Year • Adam Smith Prize • Padma Vibhushan • Outstanding Parliamentarian Award • Banga Bibhushan • Grand Cordon of the Order of the Paulownia Flowers • honora doktoro de la Moskva Ŝtata Instituto de Internaciaj Rilatoj • Ordeno de Abdulaziz Al Saud • Order of the Paulownia Flowers • Ordeno de la Leviĝanta Suno vd
13-a Ĉefministro de Barato
Dum	22-a de majo 2009 –
Antaŭulo	Manmohan Singh
Ĉefministro
Dum	22-a de majo 2004 – 22-a de majo 2009
Antaŭulo	Atal Behari Vajpayee
vd	Fonto: Vikidatumoj

Politika kariero

En la 70-aj jaroj li laboris por la ŝtato, kiel financa konsilisto. Komence de la 80-aj jaroj li iĝis estro de la centra banko. Poste li laboris kiel konsilisto de la ĉefministro, poste (1991-1996) ministro pri financoj ĉe la registaro de Narasimha Rao.

Lia rolo kiel financa ministro donis al li grandan prestiĝon. Li klopodis ekvilibrigi politikon favoran al malsupraj tavoloj kun liberaligo de la ekonomio kaj privatigo de ŝtataj entreprenoj.

Post la malvenko en la sekvaj balotoj, li restis fidela al la grupo de la familio Gandhi, en la krizo sekvanta la elekton de Sonia Gandhi kiel gvidanto de la partio Barata Nacia Kongreso (ŝi estis kontraŭita de parto de la partio pro sia itala deveno). Li agadis dum tiuj jaroj kiel gvidanto de opozicio en la Rajya Sabha (Senato).

Kiam la Kongreso venkis en la baloto de majo de 2004, Sonia Gandhi refuzis sian nomumon kiel ĉefministron, kaj sugestis la nomon de Dro. Singh. Li estis elektita la 19-an de majo de 2004 fare de la prezidento A.P.J. Abdul Kalam.

Lia eco kiel ano de religia minoritato (kaj ankaŭ de lingva, ĉar lia denaska lingvo estas la panĝaba) helpis mildigi la tensiojn inter la diversaj grupoj de tiom varia lando. Li ankaŭ strebis mildigi la streĉojn kun la najbara lando, Pakistano.

Eksteraj ligiloj

• http://pmindia.nic.in Oficejo de la Barata Ĉefministro
• http://www.manmohansingh.org/ Arkivigite je 2007-06-25 per la retarkivo Wayback Machine ManmohanSingh.org
• http://india.gov.in/govt/primeminister.php Lia profilo en la retejo de la barata registaro

Antaŭe:	13-a Ĉefministro de Barato	Poste:
Atal Bihari Vajpayee	2004–2014	Narendra Modi