Maria de Rumanio
Maria Aleksandra Viktorino de Saksio-Koburgo kaj Gotao (naskiĝis la 29-an de oktobro 1875 en Eastwell Park, Kent, mortis la 18-an de julio 1938 en Sinaia) estis (pro edzineco) reĝino de Rumanio 1914 - 1927. Filino de la princo Alfredo de Saksio-Koburgo kaj Gotao, duko de Edinburgo kaj de Saksio-Koburgo kaj Gotao (dua filo de la reĝino Viktoria de Britio) kaj de la grandprincino Maria Aleksandrovna de Rusio, filino de la caro Aleksandro la 2-a de Rusio.
| Maria de Rumanio | |||||
|---|---|---|---|---|---|
| reĝedzino de Rumanio | |||||
| |||||
.svg)
| |||||
| Persona informo | |||||
| Marie of Edinburgh | |||||
| Naskiĝo | 29-an de oktobro 1875 en Eastwell Park | ||||
| Morto | 18-an de julio 1938 (62-jaraĝa) en Peleș Castle | ||||
| Mortis pro | naturaj kialoj vd | ||||
| Mortis per | cirozo vd | ||||
| Tombo | Katedralo de Curtea de Argeș vd | ||||
| Religio | Eklezio de Anglio • Rumana Ortodoksa Eklezio • Bahaa Kredo vd | ||||
| Lingvoj | brita angla • franca • rusa • germana • rumana vd | ||||
| Ŝtataneco | Rumanio • Unuiĝinta Reĝlando de Granda Britio kaj Irlando • Unuiĝinta Reĝlando (Britio) vd | ||||
Subskribo 
| |||||
| Familio | |||||
| Dinastio | dinastio Saksio-Koburgo kaj Gotao de Britio • Saksio-Koburgo kaj Gotao • dinastio Hohenzollern-Sigmaringen • dinastio Hohenzollern-Sigmaringen (Rumanio) • Dinastio Windsor vd | ||||
| Patro | Alfred, duko de Saksio-Koburgo kaj Gotao vd | ||||
| Patrino | Maria Aleksandrovna, grandprincino de Rusio vd | ||||
| Gefratoj | Alfred, Hereditary Prince of Saxe-Coburg and Gotha • Princess Beatrice of Saxe-Coburg and Gotha • Princess Alexandra of Saxe-Coburg and Gotha • Victoria Melita de Saksio-Koburgo kaj Gotao vd | ||||
| Edz(in)o | Ferdinando la 1-a de Rumanio | ||||
| Infanoj | Karolo la 2-a de Rumanio • Elizabeto de Rumanio • Maria de Rumanio, reĝino de Jugoslavio • Nikolao de Rumanio • Princess Ileana of Romania • Prince Mircea of Romania vd | ||||
| Profesio | |||||
| Okupo | taglibristo • flegisto • artisto vd | ||||
| |||||
| |||||
| |||||
| vd | Fonto: Vikidatumoj | ||||
Princino tre bela, dum sia infaneco kaj juneco loĝis inter Anglio, Malto kaj Koburgo. Ŝia pensmaniero estis moderna, inteligenta kaj malferma. Ŝia kuraĝeco kaj virtoj popularigis ŝin kio igis ŝin grandan simbolon por ŝia nova patrio, Rumanio.
La 10-an de januaro 1893, je ŝia 17-jariĝo, geedziĝis en la kastelo de Sigmaringen kun la princo heredanto de Rumanio, Ferdinando de Hohenzollern-Sigmaringen, estonta reĝo Ferdinando la 1-a de Rumanio kaj heredanto de sia onklo Karlo la 1-a de Rumanio, kun kiu ŝi naskis ses gefilojn:
- Karlo la 2-a de Rumanio (1893 - 1953).
- Elizabeto de Rumanio (1894 - 1956). Geedziĝis en 1921 kun Georgo la 2-a de Grekio.
- Maria de Rumanio, reĝino de Jugoslavio (1900 - 1961). Geedziĝis en 1922 kun Aleksandro la 1-a de Jugoslavio.
- Nikolao de Rumanio (1903 - 1979).
- Ileana de Rumanio (1909 - 1991). Arkidukino de Aŭstrio pro geedziĝo.
- Mircea de Rumanio (1913 -1916).
Reĝino en 1914 post la forpaso de la reĝo Karlo la 1-a de Rumanio, Maria estis monarkino tre populara inter ŝiaj subuloj, apogis la Ententon dum la Unua mondmilito kaj verkante la libron Mia lando (1915-1919) kiu estas priskribo pri Rumanio. Dum la milito aktivis helpante la vunditojn.
En 1922 estis kronita kune kun sia edzo dum solena ortodoksa ceremonio en la urbo Alba Julia, post pliiĝo de la rumana teritorio (aneksado de Transilvanio kaj Besarabio). En 1927 vidviniĝis kaj ŝia nepo Mikaelo la 1-a de Rumanio entroniĝis, ĉar lia patro, la princo Karlo, senrajtigis pro geedziĝo al pleba rumanino (Zizi Lambrino).
Post venki Mikaelon, Karlo (nova reĝo Karlo la 2-a) persekutis sian patrinon, pro envio je ŝia populareco. La bonkora reĝino, malsana je kancero, ĉiam optimisma kaj religiema, forpasis je la 63 jaroj en la kastelo de Pelesch, Sinaia, tristigante ŝian familion kaj popolon. Dum ŝia regado verkis interesajn 'Memoroj'n kaj laboris por la bonstato kaj progreso de Rumanio.
Religiemo redakti
Maria estas tre estimata de la bahaanoj, ĉar ŝi estis la unua reĝino kiu akceptis la bahaan kredon. Antaŭ ŝia regado ŝi estis anglikanino sed en Rumanio devis akcepti la kristan-ortodoksan kredon. Dum siaj lastaj jaroj renkontiĝis kun Martha Root, konata bahaanino pro ŝiaj longaj vojaĝoj tra la mondo pro la Bahaa Kredo kaj ĝia disvastigo. La bahaanoj diras ke la reĝino Maria estis la unua monarko kiu deklaris sian kredon je Bahá'u'lláh.