Monda Junulara Tago
La Monda Junulara Tago (aŭ Tago de Monda Junularo; ambaŭ nomoj aperis sur IKUE-paĝoj) estas katolika junulara renkontiĝo. (En la komunismaj landoj okazadis similnoma evento, nomata Monda Festivalo de Junularo kaj Studentaro).
La Monda Junulara Tago (singularo) verdire okazas ĉiun jaron; ĝi estas celebrata en ĉiu diocezo de la mondo je la Palmodimanĉo; ĝenerale estas organizata samtempe en la diocezo de Romo malgranda internacia kunveno. Ĉiun duan aŭ trian jaron okazas granda renkontiĝo internacia, post invito de la papo por vojaĝi al ĉiufoje alia urbo kaj restadi ĉi tie plurajn tagojn. Tiam oni aŭdas pri "Mondaj Junularaj Tagoj" (pluralo). Tia renkontiĝo finiĝas per diservo, kiun prezidas la ĉefpontifiko mem; ĝi kunigas plurajn cent-milojn da partoprenantoj.
La 15-an de aŭgusto 1991 unuafoje la polan papon sur Klara Monto en Częstochowa aŭskultis junularo de Sovetunio kaj Okcidenta Eŭropo. Venis ĉirkaŭ unu miliono kaj duono de junuloj.
Dum la MJT de 1995 en Manilo, preskaŭ kvin milionoj da fideluloj kunvenis okaze de tiu renkonto, kiu restas la plej granda renkontiĝo de la historio (ekster Barato).
La Pariza MJT en 1997 alportis signifoplenan evoluigon garditan ĝis nun :
- organizado de tuta semajno en diversaj diocezoj de la invitanta lando,
- tuja "festivalo de la junularo" dum tri tagoj, ĵus antaŭ la fina kunveno.
La Katolika Eklezio en Francio deziris fakte, ke la vigleco kaj la ekkonoj dum tiu evento ne profitu nur al la partoprenantoj el Parizo kaj el la apuda regiono, sed same al la partoprenantoj el ĉiuj francaj diocezoj.
Listo de la internacia Mondaj Junularaj Tagoj redakti
| Jaro | Datoj | Loko | Ĉeestantoj | Temo | Pli detalaj artikoloj |
|---|---|---|---|---|---|
| 1984 | 15-a de aprilo | Romo, Italio | 300 000 | Jubilea jaro de la redemptado | |
| 1985 | 31-a de marto | Romo, Italio | 300 000 | Internacia Jaro de la Junularo | |
| 1987 | 11-a ĝis 12-a de aprilo | Buenos Aires, Argentino | 1 000 000 | Kaj ni konas kaj kredis la amon, kiun Dio havas al ni. (Johano Unua epistolo,4,16) | 2-aj MJT |
| 1989 | 15-a ĝis 20-a de aŭgusto | Sankta Jakobo, Hispanio | 400 000 | Mi estas la vojo kaj la vero kaj la vivo (Johano Evangelio,14,6) | 4-aj MJT |
| 1991 | 10-a ĝis 15-a de aŭgusto | Częstochowa, Pollando | 1 600 000 | Vi ricevis la spiriton de adopto (Romanoj 8,15) | 6-aj MJT |
| 1993 | 10-a ĝis 15-a de aŭgusto | Denver, Usono | 500 000 | Mi venis, por ke ili havu vivon, kaj havu ĝin abunde. (Johano 10,10) | 8-aj MJT |
| 1995 | 10-a ĝis 15-a de januaro | Manilo, Filipinoj | 4 000 000 | Kiel la Patro sendis min, tiel ankaŭ mi vin sendas. (Johano Evangelio 20,21) | 10-aj MJT |
| 1997 | 19-a ĝis 24-a de aŭgusto | Parizo, Francio | 1 200 000 | Majstro, kie vi loĝas? - Venu, kaj vi vidos. (Johano 1,38-39) | 12-aj MJT |
| 2000 | 15-a ĝis 20-a de aŭgusto | Romo, Italio | 2 000 000 | La Vorto fariĝis karno kaj loĝis inter ni (Johano 1,14) | 15-aj MJT |
| 2002 | 23-a ĝis 28-a de julio | Toronto, Kanado | 800 000 | Vi estas la salo de la tero … Vi estas la lumo de la mondo (Mateo 5,13-14) | 17-aj MJT |
| 2005 | 16-a ĝis 21-a de aŭgusto | Kolonjo, Germanio | 1 000 000 | Ni venis por adorkliniĝi al li (Mateo 2,2) | Monda Junulara Tago 2005 20-aj MJT |
| 2008 | 15-a ĝis 20-a de julio | Sidnejo, Aŭstralio | 350 000 | Vi ricevos povon, kiam la Sankta Spirito descendos sur vin; kaj vi estos miaj atestantoj (Agoj 1 versiklo 8) | Monda Junulara Tago 2008 23-aj MJT |
| 2011 | 15-a ĝis 21-a de aŭgusto | Madrido, Hispanio | 2 000 000 | Enradikigitaj kaj konstruitaj en Kristo, firmaj en la fido (Epistolo al la Koloseanoj 2,7) | Monda Junulara Tago 2011 26-a MJT |
| 2013 | 23-a ĝis 28-a de aŭgusto | Rio de Janeiro, Brazilio | 3 200 000 | Iru do kaj disĉipligu ĉiujn naciojn (Mateo 28,19) | Monda Junulara Tago 2013 28-a MJT |
| 2016 | 26-a ĝis 31-a de julio | Krakovo, Pollando | Feliĉaj estas la mizerikordemaj, ĉar ili ricevos mizerikordon (Mateo 5,7) | Monda Junulara Tago 2016 31-a MJT |
| Dato | Temo | Pli detalaj artikoloj |
|---|---|---|
| 23-a de marto 1986 | Estu ĉiam pretaj doni defendan respondon al ĉiu, kiu vin demandas pri la motivo de la espero en vi (1Petro 3,15) | |
| 27-a de marto 1988 | Kion ajn li diros al vi, tion faru. (Johano 2,5) | |
| 8-a de aprilo 1990 | Mi estas la vinberarbo; vi estas la branĉoj (Johano 15,5) | |
| 12-a de aprilo 1992 | Iru en la tutan mondon, kaj prediku la evangelion (Marko 16,15) | |
| 22-a de marto 1994 | Kiel la Patro sendis min, tiel ankaŭ mi vin sendas (Johano 20,21) | |
| 31-a de marto 1996 | Sinjoro, al kiu ni iru ? Vi havas la vortojn de eterna vivo. (Johano 6,68) | |
| 5-a de aprilo 1998 | La Sankta Spirito instruos vin pri ĉio (Johano 14,26) | |
| 28-a de marto 1999 | La Patro mem vin amas (Johano 16,27) | |
| 8-a de aprilo 2001 | Se iu volas veni post mi, li abnegaciu sin, kaj levu sian krucon ĉiutage, kaj sekvu min. (Luko 9, 23) | |
| 12-a de aprilo 2003 | Jen via patrino ! (Johano 19, 27) | |
| 4-a de aprilo 2004 | Ni volas vidi Jesuon. (Johano 12, 21) | |
| 6-a de aprilo 2006 | Via vorto estas lumilo por miaj piedoj, kaj lumo por mia vojo. (Psalmo 119, 105) | Monda Junulara Tago 2006 21-aj MJT |
| 31-a de marto 2007 | Amu unu alian tiel same, kiel mi vin amis. (Johano 15,12) | |
| 5-a de aprilo 2009 | Ni metis nian esperon en la vivantan Dion. (Epistolo al Timoteo 4,10) | |
| 20-a de marto 2010 | Bona Moŝto, kion devas mi fari por heredi la eternan vivon? (Marko 10, 17-30) | |
| 1-a de aprilo 2012 | Ĉiam ĝoju vi en la Sinjoro. (Filipianoj 4,4) | |
| 13-a de aprilo 2014 | Feliĉaj estas la malriĉaj en koro, ĉar la regno de la Ĉielo estas ilia. (Mateo 5, 3) | |
| 29-a de marto 2015 | Feliĉaj estas la puraj koroj, ĉar li vidos Dion. (Mateo 5, 8) |
Bibliografio redakti
- Światowe Dni Młodzieży. Kraków 2016. Wizyta papieża Franciszka w Polsce. Kronika. (Mondaj Junular-Tagoj. Krakovo 2016. Vizito de la papo Francisko en Pollando. Kroniko), Memora eldono, RAFAEL, Krakovo 2016, p. 144, ISBN 978-83-7569-909-8
Eksteraj ligiloj redakti
- Official World Youth Day website Oficiala paĝo
- Vatican World Youth Day website Vatikana paĝo