Nacia parko Šar Planina
La nacia parko Šar Planina (makedone Национален парк Шар Планина, Nacionalen park Ŝar Planina) estas la plej juna el la naciaj parkoj en Norda Makedonio. Ĝi estis oficiale fondita per leĝo en 2021 fare de la parlamento de Norda Makedonio.[1] La parko protektas montan pejzaĝon sude de la ĉefkresto de la montaro Šar Planina (albane Sharr).[2]
| nacia parko Šar Planina | |||
|---|---|---|---|
| Национален парк Шар Планина
| |||
.JPG) | |||
| natura pejzaĝo • nacia parko • protektata areo | |||
| Bazaj informoj | |||
| Geografia situo | 42° 0′ 0″ N, 20° 45′ 0″ O (mapo)4220.75Koordinatoj: 42° 0′ 0″ N, 20° 45′ 0″ O (mapo) | ||
| |||
 nacia parko Šar Planina | |||
| Alto: | (Maksimume:) Titov Vrv (Титов Врв) 2 747 m | ||
| Fondita: | la 1-an de julio 2021 | ||
La nacia parko havas areon de 627 kvadrataj kilometroj.[3] Ĝi situas en la pleja nordokcidento de la lando kaj etendiĝas laŭ la limo kun Kosovo, alte super la ebenaĵo regiono Polog kun la urboj Tetovo kaj Gostivar. La plej alta punkto estas la montopinto Titov Vrv (Титов Врв, "montopinto de Tito" ekde la jaro 1953, antaŭe makedone kaj daŭre bulgare Голем Турчин, Golem Turčin, albane daŭre Turku i Madh, alteco 2747 metroj super la marnivelo).
En la norda respektive okcidenta parto de la montaro en Kosovo estas la nacia parko Sharr, kiu malfermiĝis en 1986. Sudokcidente, aliaj areoj estas protektataj, en Albanio la natura parko Korab-Koritnik, en Norda Makedonio la nacia parko Mavrovo.
La nacia parko estas parto de la Eŭropa verda zono, la plejparte natura limstrio inter la komunistaj nacioj de orienta Eŭropo kaj la nekomunistaj nacioj de okcidenta Eŭropo dum la Malvarma milito, nomata "Fera Kurteno". Multaj endanĝerigitaj bestospecioj trovas ĉi tie rifuĝejon kaj migradan koridoron.[4] En la Šar Planina tio inkluzivas la ege maloftan balkanan linkon, specio de la genro eŭrazia linko.
Referencoj redakti
- ↑ Metin Muaremi: artikolo "МЕД и Пријателите на Шара го поздравуваат изгласувањето на Законот за прогласување на Шар Планина за национален парк" (MED kaj la Amikoj de Ŝar bonvenigas la pasigon de la leĝo pri la deklaracio de Ŝar Planina kiel nacia parko), en la retejo de la Makedona Ekologia Societo, Македонското еколошко друштво (МЕД), la 1-an de julio 2021 (makedone)
- ↑ oficiala registara komunikaĵo en formato PDF de la 11-a de septembro 2020 (same makedone)
- ↑ artikolo La mankanta peco de la enigmo: Nacia parko Planina aprobita, en retejo de la [Mediprogramo de Unuiĝintaj Nacioj|Media Programo de la Unuiĝintaj Nacioj] (UNEP) la 1-an de julio 2021 (angle)
- ↑ titolo "Eŭropa Verda Zono - la plej granda naturprotekta iniciato de Eŭropo, en retejo de la ekologia iniciato EuroNatur (germane)
Eksteraj ligiloj redakti
- Oficiala retejo (asocio "amikoj de Šar Planina", mallonge "amikoj de Šara", makedone, albane kaj angle)