Nigravosta cerkomelo
La Nigravosta cerkomelo, Cercomela melanura, estas specio de birdo de la genro de Cercomela en la familio de Muŝkaptuledoj. Ĝi estas indiĝena de norda Afriko. Ĝi estas komuna loĝantaj birdojloĝanta reproduktulo ĉefe en dezertaj regionoj de Nordafriko, Mezoriento kaj la Arabia duoninsulo.
Nigravosta cerkomelo | ||||||||||||||
---|---|---|---|---|---|---|---|---|---|---|---|---|---|---|
subspecio O. m. melanura
Nigravosta cerkomelo
| ||||||||||||||
Biologia klasado | ||||||||||||||
| ||||||||||||||
Cercomela melanura (Temminck, 1824) | ||||||||||||||
Konserva statuso | ||||||||||||||
Aliaj Vikimediaj projektoj
| ||||||||||||||
Aspekto redakti
Ĝi estas 14–16 cm longa birdo kiu ricevas sian nomon pro sia tute nigra vosto, kiun ĝi ofte malfermas kiel ventumilo kaj kio nomigas la specion kaj en Esperanto kaj en la latina scienca nomo kie melanura devenas el latinigitaj radikoj de la antikva greka kiuj signifas precize "nigra" (melanos) kaj "vosto" (uros); la resto de ties plumaro estas bluecgriza aŭ grizbruna (nordafrikaj rasoj estas pli brunaj, mezorientaj estas pli bluecaj). Ambaŭ seksoj estas similaj, sed la masklo averaĝe havas pli nigrecajn bridojn.
La kanto estas klara melanĥolia fajfo: ĈARli...TRUlu...ĈARli...TRUlu..., kun mallongaj frazoj el la kanto uzataj kiel alvoko.
Ĝi estas specio de rokaj dezertoj kaj montaj deklivoj, sur kiuj nestumas en rokfendo, kie la ino demetas 3–5 ovojn. Ili manĝas insektojn, ĉefe kaptitajn surgrunde.
La Nigravosta cerkomelo estas fidema specio, maltimema je homoj.
Detala distribuo redakti
La Nigravosta cerkomelo estas loĝanta tra sia teritorio.
- En Egiptio, la Nigravosta cerkomelo estas komuna en Sinajo
- En Israelo tiu specio troviĝas ĉefe en la areoj de Negevo, Valo Araba kaj Morta Maro; ĝi estas en areoj de la valo de la rivero Jordano norden, sed tie estas malabunda.
- En Jordanio, tiu specio troviĝas nur en okcidentaj partoj de la lando, en areoj el rivero Jordano suden tre la regiono de la Morta Maro al la Valo Araba kaj la Montoj de Akaba.
Referencoj redakti
- BirdLife International (2004). Cercomela melanura. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 09a Majo 2006. Malplej zorgiga
- Andrews, Ian J. (1995) The Birds of the Hashemite Kingdom of Jordan
- Shirihai, Hadoram (1996) The Birds of Israel