Palos de la Frontera
|
Por samtitola artikolo vidu la paĝon Palos de la Frontera (metroo de Madrido). |
Palos de la Frontera estas urbo en la provinco Onubo en la lando Hispanio. En la jaro 2006 la loĝantaro estis 8.415. Ĝia surfaco estas 50 km², do ĝia loĝantara denseco estis 168,3 loĝ/km². Ĝi situas sur 37º 14' N, 6º 53' O, 23 metroj sur la marnivelo kaj 14 kilometroj de la provinca ĉefurbo, Onubo, je la maldekstra de la Tinto rivero, tre proksime de la elfluejo kaj de la kunigejo kun la Odiel rivero.
| Palos de la Frontera | |||||
|---|---|---|---|---|---|
 | |||||
| municipo en Hispanio • urbo | |||||
|
|
| ||||
| Flago | Blazono | ||||
| Administrado | |||||
| |||||
| Poŝtkodo | 21810 | ||||
| En TTT | Oficiala retejo [+] | ||||
| Demografio | |||||
| Loĝantaro | 12 537 (2023) [+] | ||||
| Loĝdenso | 254 loĝ./km² | ||||
| Geografio | |||||
| Geografia situo | 37° 14′ N, 6° 54′ U (mapo)37.2277697-6.8932258Koordinatoj: 37° 14′ N, 6° 54′ U (mapo) [+] | ||||
| Alto | 23 m [+] | ||||
| Areo | 49,3 km² (4 930 ha) [+] | ||||
| Horzono | UTC+01:00 [+] | ||||
| |||||
| |||||
|
| |||||
| Alia projekto | |||||
 Vikimedia Komunejo Palos de la Frontera [+]
| |||||
Historio redakti
La plej fama momento de la historio de Palos de la Frontera estas kiam Kristoforo Kolumbo eliris el tie ĉi por sia unua vojaĝo al Ameriko.
Vidindaĵoj redakti
Inter ĝiaj monumentoj, indas vidi la preĝejon de Sankta Georgo (gotika-mudeĥara, kiu havas mudeĥaran pordon kiu nomiĝas "la pordon de la gefianĉoj". Ene oni povas rigardi anglan alabastron de la 13-a jarcento, ceramikan retablon de Toskano de la 17-a jarcento kaj fresko-pentraĵojn de la 16-a jarcento. Apud ĉi tiu konstruaĵo, troviĝas la restaĵoj de la malnova kastelo de Palos.
Estas ĉi tie ankaŭ statuo de Martín Alonso Pinzón, kunulo de Kolumbo en la unua vilaĝo kaj reginto de la urbo. En la dom-muzeo de Martín Alonso Pinzón, oni povas rigardi ilojn por navigi, pentraĵojn kaj mapojn rilataj al la vojaĝo. Nuntempe, se oni volus ĝin viziti, devas kontakti unue la urbo-domon.
En la eliro de Palos oni alvenas al la fontano nomata Fontanilla. Apud ĝi estis la haveno de la vojaĝo de Kolumbo. El tiu fonto, oni diras, la tri karabeloj proviziiĝis per akvo.
En la vojo al Onubo, oni trovas la monaĥejo de La Rábida, unu el la plej belaj lokoj en la vilaĝo, kaj ene estas la monaĥejo de franciskanoj, kie oni planis la unuan alamerikan vojaĝon. Speciale vizitinda estas ĝia mudeĥara preĝejo.
Estas ankaŭ vizitinda la botanika parko José Celestino Mutis, kiu enhavas lokajn kaj amerikajn speciojn, kaj, ne malproksime, estas la monumento al la Malkovrintoj. Inter la parko kaj la monumento estas avenuo, kun la blazonŝildoj de la amerikaj landoj. Proksime, kopio de la tri karaveloj estas tie (vidu artikolon Santa María (ŝipo)).
Famuloj redakti
Palos kaj Esperanto redakti
Dum julio de 2007 okazis la 66a Hispana kaj 12a Andaluzia Esperanto-Kongresoj. Tiukadre oni eldonis la broŝuron "Mallonga historio de Palos de la Frontera" fare de la Urbestraro de Palos de la Frontera.[1] En tiu libreto oni parolas pri la urbonomo, la fondo, historio, Martín Alonso Pinzón, lia vojaĝo, Vicente Yáñez Pinzón, aliaj lokaj maristoj, la dekadenco, monumentoj, pejzaĝoj, festoj kaj frataj urboj.
Notoj redakti
- ↑ Urbestraro de Palos de la Frontera, "Mallonga historio de Palos de la Frontera", Palos de la Frontera, 2007, 37 pp. Teksto de Julio Izquierdo Labrado, traduko de Andrés Martín González.
Eksteraj ligiloj redakti
- Retejo de la urbestraro Arkivigite je 2012-06-16 per la retarkivo Wayback Machine (hispane)
- Retejo de la Esperanto-kongreso 2007[rompita ligilo]
- Alia retejo de la Esperanto-kongreso[rompita ligilo]