Peenemünde

Peenemünde estas komunumo en Germanio. Ĝi troviĝas en la distrikto Antaŭpomerio-Greifswald de la federacia lando Meklenburgo-Antaŭpomerio. La teritorio estas parto de la insulo Usedom en la Balta Maro, kaj administre apartenas al la komunumaro Amt Usedom-Nord de pluraj proksime kunlaborantaj najbaraj komunumoj. Fine de decembro 2022 la komunumo havis 349 loĝantojn.

Peenemünde
Peenemünde (Germanio) DEC
neurba komunumo de Germanio
Administrado
Federacia lando	Meklenburgo-Antaŭpomerio
Distrikto	Distrikto Antaŭpomerio-Greifswald
Komunumaro	Amt Usedom-Nord
Urborajtoj	–
Telefona antaŭkodo	038371
Poŝtkodo	17449
Aŭtomobila kodo	VG
Oficiala Municipokodo	13075106
Politiko
Komunumestro	Rainer Barthelmes
Adreso de la administrejo	Möwenstraße 1 17454 Zinnowitz
Demografio
Loĝantaro	349 (stato 2022-12-31) [fonto: landa statistika oficejo]
Geografio
Geografia situo	54° 8′ N, 13° 47′ O (mapo)54.13513.775
Alto super la marnivelo	3 m
Areo	24,97 km²
Oficiala retejo	https://www.amtusedomnord.de/

Dum la Dua Mondmilito tuj apud la vilaĝo oni esploris kaj disvolvis la t.n. V-armilojn kiuj celiĝis esti sekretaj armiloj por la armeo "Wehrmacht" de Nazia Germanio. Post la milito la Ruĝa Armeo de Sovetunio unue fortransportis ĉiujn uzeblajn armeaĵojn, poste foreksplodigis la instalaĵojn de la nazia armeo kaj ekkonstruis sovetunian armean bazon, kiun ĝi uzis ĝis la jaro 1952 kaj poste transdonis al la tiam fondiĝanta nacia popola armeo de la socialisma ŝtato GDR. La tuta norda duono de la insulo Usedom iĝis armea zono malpermesita por aliaj civitanoj de GDR kaj des pli por eksterlandanoj. Post la reunuigo de Germanio fine de la jaro 1990, en 1993 la armea bazo malfondiĝis.

Eksteraj ligiloj

• Oficiala retejo de la komunumaro (germane)

la malnova energicentralo, nun muzeo

la loka haveno kun sovetunia submarŝipo, nun muzee vizitebla

historia kapelo memore al la sveda reĝo Gustavo Adolfo