Ponto de Erasmo
La Ponto de Erasmo (nederlande Erasmusbrug) estas, krom Willemsbrug, la dua ponto super la rivero Nova Maso en la centro de la nederlanda urbo Roterdamo. La ponto interligas la novan kvartalon Kop van Zuid kun la centro je la norda flanko de la rivero.
Arkitekto de la ponto estis Ben van Berkel, kiu prezentis la planon en 1996. La ponto havas 802 metrojn da longeco, kaj atingas 139 metrojn da alteco. La turo kun la ŝtalaj ŝnuroj donis al la ponto la kromnomon "la cigno". Oficiale nomita ĝi estas tamen laŭ la humanisto Erasmo de Roterdamo.