Pordoferma paniko

Pordoferma paniko aŭ Pordoferma krizo aŭ Mezaĝa krizo (krizo de la mezaĝuloj) estas ĉiutaga esprimo por tio, kiam ĉe viroj aŭ virinoj aperas krizo pro la ŝanĝiĝanta aĝo. Ĝi estas karakterizita per timo pro malfruo pri la ĝis tiam neatingitaj celoj - precipe en la partnerserĉado (amikeco, geedzeco, infanoj) aŭ pri memefektivigo — ĉefe pro la maljuniĝo.

Origino de la metaforo

Dum la mezepoko, oni fermis la urbopordon ĉe alveno de la sunsubiro, por la sekureco de la urbo. La urbanoj, kiuj ne alvenis ĝis tiu tempo, devis tranokti ekster la urbomuroj. Tiuj homoj estis ne nur facilaj predoj de la rabistoj, sed ili timis iĝi viktimoj de malbonintencaj spiritoj aŭ iĝi kaptitaj de aliaj supernaturaj estaĵoj.

Vidu ankaŭ

• pordo-malferma paniko de junuloj