Ratatujo
|
Ne konfuzu ĉi tiun artikolon kun Ratatouille (filmo). |
Ratatujo[1] (france ratatouille [ratatuj'], plena nomo ratatouille niçoise, Nica ratatujo) estas tradicia franca provenca mikspoto el legomoj, kiu povas esti surtabligata kiel kompleta manĝaĵo akompanata de rizo, terpomoj, aŭ de simpla franca pano, aŭ kiel kroma manĝaĵo. Tomatoj estas la ĉefa ingredienco, kun cepoj, kukurbetoj (italaj), melongenoj, kapsikoj kaj ajlo. Ĉio estas kirlofritita aŭ brezita en olivoleo.
La nomo de la manĝaĵo estas derivita de la okcitana ratatolha (kp. francan touiller, kirli). La vorto ratatujo ankaŭ estas uzata en nekulinara kunteksto por referenci al (ĝenerale multkolora) multspeca miksaĵo.
Vidu ankaŭ redakti
- Ratatouille, desegnita filmo de 2007
- Leĉo (mikspoto laŭ hungara maniero)
Notoj redakti
- ↑ Jacques Le Puil, Jean-Pierre Danvy. Granda Vortaro Franca-Esperanta. Paris 1992. Erich-Dieter Krause. Granda Vortaro Esperanto-Germana. Hamburg: Buske 1999. Kaj en aliaj vortaroj.