Rozedoj (subklaso)
Rozedoj (Rosidae) estas botanika nomo je la rango de subklaso. Membreco en la subklaso varias laŭ la taksonomia sistemo uzata; nepras nur ke en la subklaso estu la familio de rozacoj. Bone konata sistemo uzanta ĉi tiun nomon estas la sistemo de Cronquist kaj, en la origina versio, tiu de 1981, la membroj de la rozeda subklaso estis:
- subklaso Rozedoj Rosidae
- ordo Rozaloj Rosales
- ordo Fabaloj Fabales
- ordo Protealoj Proteales
- ordo Mirtaloj Myrtales
- ordo Rhizoforaloj Rhizophorales
- ordo Kornusaloj Cornales
- ordo Santalaloj Santalales
- ordo Raflezialoj Rafflesiales
- ordo Celastraloj Celastrales
- ordo Eŭforbialoj Euphorbiales
- ordo Ramnaloj Rhamnales
- ordo Linaloj Linales
- ordo Poligalaloj Polygalales
- ordo Sapindaloj Sapindales
- ordo Geranialoj Geraniales
- ordo Apialoj Apiales
La sistemo APG III ne uzas formalajn botanikajn nomojn super la rango de ordo sed metas la plimulton de ĉi tiuj grupoj en la klado de rozedoj.