Sruby
- Eble vi serĉas Sruby en distrikto Domažlice.
Municipo Sruby situas en Ĉeĥio, regiono Pardubice, distrikto Ústí nad Orlicí, en milde ondiĝinta pejzaĝo inter riveroj Tichá Orlice kaj Loučná, ĉe ŝoseo n-ro 315 inter Týnišťko kaj Choceň, 5 km okcidente de urbo Choceň. Ĝi origine estis tipa strata vilaĝo kun orte situantaj kampoj. Nuntempe estas tiu ĉi situo de domoj el la dua duono de la 19-a kaj la unua duono de la 20-a jarcentoj difektita per konstruoj de mastruma korto kaj nova kvartalo de familiaj dometoj. Vivas ĉi tie 587 loĝantoj (2023).
| Sruby | |
| municipo | |
 Preĝejo de Ĉieliro de Sinjoro en Sruby
| |
|
|
|
| Oficiala nomo: Sruby | |
| Ŝtato |  Ĉeĥio
|
|---|---|
| Regiono | Regiono Pardubice |
| Distrikto | Distrikto Ústí nad Orlicí |
| Administra municipo | Choceň |
| Historia regiono | Bohemio |
| Montaro | Svitava montetaro |
| Situo | Sruby |
| - alteco | 280 m s. m. |
| - koordinatoj | 49° 59′ 47″ N 16° 10′ 34″ O / 49.99639 °N, 16.17611 °O (mapo) |
| Katastro | 6,89 km² (689 ha) Sruby |
| Loĝantaro | 587 (2023) |
| Denseco | 85,2 loĝ./km² |
| Unua skribmencio | 13-a jarcento |
| Horzono | MET (UTC+1) |
| - somera tempo | MET (UTC+2) |
| Poŝtkodo | 565 44 |
| NUTS 3 | CZ053 |
| NUTS 4 | CZ0534 |
| NUTS 5 | CZ0534 580970 |
| Katastraj teritorioj | 1 |
| Partoj de municipo | 2 |
| Bazaj setlejunuoj | 2 |
  Situo enkadre de Ĉeĥio
| |
 Vikimedia Komunejo: Sruby
| |
| Retpaĝo: www.obecsruby.cz | |
 Portalo pri Ĉeĥio
| |
Al la municipo apartenas vilaĝo Hluboká.
Memorindaĵoj redakti
Preĝejo redakti
Pseŭdohistoria preĝejo de Ĉieleniro de la Sinjoro devenas el la jaro 1878. Ĝi situas sur loko de origina gotika kirko. La preĝejo estas ununava, oblonga kun turo enmasonita en okcidenta fronto kun malpli larĝa poligone fermita presbiterejo. En la navo estas kasona plafono. Novromanika ekipaĵo devenas el la lasta kvarono de 19-a jarcento.
Popola arĥitekturo redakti
Kamparana domo n-ro 32 el la duono de 19-a jarcento, teretaĝa kun ornama lignotabula gablo.
Monumento al la falintoj redakti
Monumento al la falintoj en la unua mondmilito troviĝas sur la vilaĝplaco. Ĝi estas el la jaro 1922 de L Troman kaj L. Hilgert.
Turismo redakti
La vilaĝo najbaras kun vasta zono de arbaroj inter Choceň kaj Hradec Králové. La regiono estas ideala por pieda turismo kaj cikloturismo en ebenaĵo de rivero Tichá Orlice kaj por ripoza kolektado de arbarfruktoj kaj fungoj. Proksime de Sruby, norde en arbaro, kondukas turisma verde markita vojo 
inter Choceň kaj Horní Jelení, kaj tra Sruby kondukas cikloturismaj vojoj n-ro 4237, 4229 kaj 4230, kiujn oni povas diversmaniere kombini kun pluaj aliaj vojoj.
Loĝantaro redakti
| Jaro | Loĝantoj |
|---|---|
| 1869 | 595 |
| 1880 | 597 |
| 1890 | 615 |
| 1900 | 555 |
| 1910 | 621 |
| 1921 | 642 |
| Jaro | Loĝantoj |
|---|---|
| 1930 | 733 |
| 1950 | 557 |
| 1961 | 599 |
| 1970 | 530 |
| 1980 | 575 |
| 1991 | 559 |
| Jaro | Loĝantoj |
|---|---|
| 2001 | 534 |
| 2014 | 589 |
| 2016 | 591 |
| 2017 | 583 |
| 2018 | 584 |
| 2019 | 584 |
| Jaro | Loĝantoj |
|---|---|
| 2020 | 581 |
| 2021 | 566 |
| 2022 | 586 |
| 2023 | 587 |
Literaturo redakti
- Marek Podhorský: Pardubický kraj. Eldonis freytag & berndt, eldonejo en Prago en j. 2004.
- Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.