Surava
publikigita versio estis patrolita je 22 nov. 2023. Estas kontrolendaj ŝanĝoj de ŝablonoj/dosieroj.
Ŝanĝoj al ŝablonoj aŭ dosieroj en ĉi tiu versio estas kontrolendaj. La stabila versio estis patrolita je 22 nov. 2023.
|
Por samtitola artikolo vidu la paĝon Surava (stacidomo). |
| Surava | |
|---|---|
 | |
 | |
| former municipality of Switzerland | |
| Kantono | Grizono |
| Distrikto | Albulo |
| Komunumaro | Belfort |
| Koordinatoj | 46° 39′ 56″ N 9° 36′ 44″ O / 46.66556 °N, 9.61222 °O (mapo)Koordinatoj: 46° 39′ 56″ N 9° 36′ 44″ O / 46.66556 °N, 9.61222 °O (mapo) |
| Nombro de loĝantoj | 208 |
| Areo | 6,68 km² |
| Alteco | 904 m super marnivelo |
| Poŝtkodo | 7472 |
| Komunumkodo | 3515 |
 | |
Pri la komunumo redakti
Surava estas komunumo kaj ĉefloko de la komunumaro Belfort en la distrikto Albulo de Kantono Grizono, Svislando. Ĝi havis 208 loĝantojn je la 31-a de decembro 2009.
Geografio redakti
Surava situas ĉe la bordo de la rivero Albulo. La plej granda parto de la komunuma teritorio troviĝas sude de la rivero, sed la vilaĝocentro situas je ĝia norda bordo.
Najbaraj komunumoj redakti
La komunumo Surava limas en nordo al Brienz/Brinzauls, en oriento al Alvaneu, kaj en sudo kaj okcidento al Tiefencastel.
Lingvoj redakti
Ankoraŭ en la jaro 1900 en Surava pli ol 80% de la loĝantaro parolis la romanĉan lingvon. Dum la 20-a jarcento la nombro de romanĉlingvanoj konstante malkreskis, dum almigris germanlingvanoj. Okaze de la popolnombrado en la jaro 2000 nur ankoraŭ 27 personoj respektvie 10,80% de la loĝantaro en Surava parolis la romanĉan, dum 78,40% parolis la germanan.
Trafiko redakti
Tra Surava pasas la kantona ĉefvojo n-ro 417 de Tiefencastel al Davos kaj oriente de la vilaĝo komenciĝas la vojo n-ro 749 tra la Albulopasejo al La Punt en Engadino. La komunumo disponas pri stacidomo de la Retia Fervojo, kiu konektas ĝin al la publika transportreto.
Historio redakti
La unua dokumenta mencio de Surava okazis relative malfrue en la jaro 1580 kiel Surraguas. Surava estis ekloĝita de romanĉoj ek de la 10-a jarcento. Dum mezepoko en Surava regis la Senjoroj de Vaz, kies Kastelo Belfort situis rekte norde de la hodiaŭa vilaĝo Surava sur teritorio de Brienz/Brinzaus. La Senjorujo Belfort, al kiu Surava apartenis fariĝis en la jaro 1436 membro de la Dektribunala Federacio kaj fariĝis en la jaro 1477 posedaĵo de Aŭstrio. En la jaro 1652 la civitanoj de la Senjorujo Belfort sin liberaĉetis de la aŭstria servuteco. En la jaro 1851 Surava fariĝis komunumo de la komunumaro Belfort en la distrikto Albulo. En la jaro 1869 Surava aliĝis al la komunumo Brienz/Brinzauls, sed jam 14 jarojn poste la du komunumoj de nove disiĝis, kaj tiel Surava en la jaro 1883 denove fariĝis aŭtonoma komunumo. [1]
Notoj kaj referencoj redakti
Vidu ankaŭ redakti
Eksteraj ligiloj redakti
- Oficiala retejo de la komunumo Surava Arkivigite je 2007-01-25 per la retarkivo Wayback Machine
- Surava en la Historia Leksikono de Svislando (germane, france, itale)
- Vidu ankaŭ en la Vikimedia Komunejo la kategorion Surava – (Kolekto de bildoj kaj plurmediaj dosieroj)