Tălmaciu

Tălmaciu [təlmaĉu] (hungare: Nagytalmács [nadjtalmaĉ], germane: Talmesch [talmeŝ]) estas urbo en la distrikto Sibiu en Rumanio ĉe la nordorienta piedo de la Sibiu-montaro sur la dekstra bordo de la rivereto Cibin, sudoriente de Sibiu.

Tălmaciu
Urbo
urbeto en Rumanio
Ĝemelurboj Vitré vd
Lando	Rumanio
Distrikto	distrikto Sibiu
Alinome	Nagytalmács hungare, Talmesch germane
Iama hungara departemento	Szeben
Situo	45° 40′ N, 24° 16′ O (mapo)45.66944444444424.261111111111
Tălmaciu (Rumanio) DMS
Alto super maro	378 m
Poŝtkodo	555700
Loĝantaro	6,905 (en 2011; 8.837 en 2002)

Vido al Tălmaciu

Al la urbo apartenas administre la vilaĝoj Colonia Tălmaciu kaj Tălmăcel. Ĝis 2004 apartenis al ĝi ankaŭ Boița, Lazaret, Lotrioara kaj Paltin, kiuj nun konsistigas la komunumon Boița. Tio estas parto de la kaŭzo de la malpliiĝo de ĝia loĝantaro inter la censoj de 2002 kaj 2011.

Loĝantaro

En 1910 ĝi havis 1 284 loĝantojn (germanoj, rumanoj, hungaroj); en 1992 6 046 (rumanoj).

Historio

Ĝiaj unuaj mencioj skribaj estas el 1318 (laŭ aliaj: 1265). Ĝi estis ĉefloko de "filia seĝo" de la seĝo Hermannstadt (Sibiu). En 1453 reĝo Ladislao la 5-a deklaris ĝin parto de la Reĝa Tero.

Ĝis 1919 ĝi apartenis al Hungario (Szeben). La rangon de urbo ĝi ricevis en 1989.

Fonto

• Magyar nagylexikon, 1–18, 1993–2004, Budapest.
• Loknomvortaro de Transilvanio kaj de Moldavio (Rumanio)

Ĝemelecoj

• Vitré (Ille-et-Vilaine) en Francio

Eksteraj ligiloj

• Interaga mapo de distrikto Sibiu
• Popolnombrado 2002

• 
  Situo en la distrikto
• 
  La urba blazono
• 
  La evangelia preĝejo
• 
  La ortodoksa preĝejo
• 
  La stacidomo
• 
  Mapo de la "filia seĝo Talmaciu" en la 15-a jarcento