Vértesszőlős

Vértesszőlős (vErteŝsOlOŝ) estas vilaĝo kun titolo vinvilaĝo en Hungario en regiono Norda Transdanubio, en departemento Komárom-Esztergom, en subregiono de Tatabánya. Vértes estas nomo de la monto, szőlős signifas vinberejo.

Bazaj informoj

• Areo: 17  km²
• Loĝantaro: 2700
• Poŝtkodo: 2837
• Telefonprefikso: 34

Situo

La vilaĝo situas sur deklivoj de Vértes, laŭ ĉefvojo kaj fervojo Budapeŝto-Vieno inter Tata kaj Tatabánya. La lasta troviĝas 2,5 km-ojn, Tata 4,5 km-ojn for.

Historio

La komunumo havas mondofamon pri "Samu", tio estas fantazia nomo de prahomo, kies restaĵoj troviĝis ĉe la vilaĝo. En Vértesszőlős antaŭ la hungaroj avaroj loĝadis. La unua mencio devenis el 1244. La turkoj suferigis la loĝantaron, poste slovakoj kreskigis la loĝantojn.

Vidindaĵoj

• postbaroka katolika preĝejo omaĝe al Dipatrino (Beata Etdamo) de 1792, post 1878 ĝi renoviĝis kaj pligrandiĝis pro incendio, la turo estas 36 m-ojn alta
• tombeja kapelo omaĝe al "Elaĉetinto" de 1903
• paroĥo de 1866

Ĝemelkomunumoj

• Muhr am See, Germanio
• Turany, Slovakio
• Dvory nad Žitavou, Slovakio