Vaijanta pego
La Vaijanta pego, Vaijanta verdpego aŭ Atlasa verdpego (Picus vaillantii) estas granda birdo de la familio de pegedoj kaj genro de Pegoj, kiu estas disvastigita en la tri landoj de Magrebo tio estas Maroko, Alĝerio kaj Tunizio en nordokcidenta Afriko.
 | ||||||||||||||
|---|---|---|---|---|---|---|---|---|---|---|---|---|---|---|
 Vaijanta pego
| ||||||||||||||
| Biologia klasado | ||||||||||||||
| ||||||||||||||
| Picus vaillantii (Malherbe, 1847) | ||||||||||||||
| Konserva statuso | ||||||||||||||
Aliaj Vikimediaj projektoj
| ||||||||||||||
La Vaijanta pego reproduktiĝas en montaraj arbaroj ĝis la arbolimo ĉirkaŭ 2000m super marnivelo en la montaro de Atlasoj. La nesto estas arbotruo, kie la ino demetas 4-8 brilblankajn ovojnsur lignosplitoj.
Aspekto redakti
La Vaijanta pego estas 30-33 cm longa kun enverguro de 45-51 cm. Ĝi estas tre simila al la specio de Eŭropo Verda pego, ĉefe ĉe inoj de la raso de la Iberia duoninsulo nome P. viridis sharpei.
La Vaijanta pego estas malhelverda supre kaj flavverda sube, kun skarlata nuko. La nigra mustaĉbrido havas palan bordon supre. La pugo estas tre flava kaj en flugiloj estas parto striita nigroblanka. La beko kaj kruroj estas ardezgrizaj, sed tiu montras pli flavecan suban makzelon.
Ambau seksoj estas similaj escepte ke la masklo havas skarlatajn ne nur la nukon, sed ankaŭ la kronon, dum la krono de la ino estas griza. Kiel ĉe P. viridis sharpei, al ambaŭ seksoj mankas nigro en brido kaj en masko ĉirkaŭokula, kion montras plej parto de la formoj de la Verda Pego.
Subspecioj redakti
Ne estas agnoskataj subspecioj ( monotipa ) (foje tiu taksono estis konsiderata subspecio de la Verda pego de kelkaj fakuloj).
Kutimoj redakti
Tiu palearktisa specio manĝas insektojn kiujn kaptas per rapida pafo de sia longa lango, kaj algluas al tiesp into per glueca salivo. Kvankam temas pri granda kaj peza birdo, ĝi havas facilan kaj ondecan flugon. La voĉo estas laŭta kvazaŭ rido, plu, plu, plu, simila al tiu de la Verda pego.
La Vaijanta pego ricevis la nomon honore la francan esploriston, kolektiston kaj ornitologon, François Le Vaillant.
Vidu ankaŭ redakti
Referencoj redakti
- BirdLife International (2004). Picus vaillantii. Internacia Ruĝa Listo de Endanĝeritaj Specioj, eldono de 2006. IUCN 2006. Elŝutita 11a Majo 2006. Ne minacata